«Dzie hetaja hnida?» — u novaj rekłamie «Tankaŭ» baćka zamuroŭvaje syna ŭ šafie, kab hulacca ŭ kamp
U internecie pašyrajecca novaja rekłama hulni World of Tanks, u jakoj Vadzim Hałyhin hulaje ŭ chovanki sa svaim «synam» i ŭ vyniku zamuroŭvaje małoha ŭ šafie, kab toj nie zaminaŭ baćku hulacca ŭ «tanki».
«Valera, Valera, nas*y jamu ŭ duła!» — kryčyć «baćka», hulajučy ŭ «tanki», pakul jahony syn hladzić na heta praz ščyliny ŭ šafie.
Siońnia, paśla taho, jak hety rolik pierastavili bujnyja infarmacyjnyja sajty, jaho adusiul vydalili.
Mnohija karystalniki niehatyŭna adreahavali na rekłamu. Jaje asudzili za zališniuju žorstkaść i hvałt u dačynieńni da dziciaci, paviedamlaje 42.tut.by.
«Rolik sapraŭdy naš, — patłumačyŭ Maksim Kałtaniuk, PR-dyrektar Wargaming. — Adnak my nie płanavali jaho vypuskać z pryčyny nieadpaviednaści kaštoŭnaściam našaj kampanii i kaštoŭnaściam našych hulcoŭ.
My vydatna razumiejem, što značnaja častka našych hulcoŭ — ludzi siamiejnyja. Pa źbiehu abstavinaŭ adna ź iteracyj rolika vyciekła ŭ sieciva. Z našaha boku byli pryniatyja miery pa vydaleńni, adnak virusny efiekt adyhraŭ svaju rolu. Nam vielmi škada, što adbyłasia takaja situacyja, i my vybačajemsia».
Kamientary