Naftavaja kampanija «RusNiefć» płanuje raźvivać ułasnuju sietku AZS nie tolki ŭ Rasii, ale i ŭ Biełarusi, paviedamiŭ staršynia savieta dyrektaraŭ AAT «NK «RusNiefć» asnoŭny akcyjanier kampanii Michaił Hucaryjeŭ u efiry telekanała «Rośsija 24».
«Siońnia my nie majem roźničnaj sietki. Ale ŭ suviazi z madernizacyjaj Orskaha NPZ, kali my damožamsia hłybini pierapracoŭki 90%, kali našy bienziny buduć adpaviadać suśvietnamu standartu, to my pačniem aktyŭna raźvivać sietku nie tolki tut, ale i ŭ Biełarusi, i ŭ inšych rehijonach», — skazaŭ Huceryjeŭ.
U pryvatnaści, pavodle jaho słoŭ, «RusNiefć» maje namier udzielničać u konkursach na pryvatyzacyju AZS u Biełarusi.
«U Biełarusi najbližejšym časam čakajecca niekalki konkursaŭ, dziaržava budzie pradavać zapraŭki, nakolki my majem infarmacyju», — adznačyŭ Hucaryjeŭ.
Pavodle jaho słoŭ, havorka idzie ab prodažy bolš jak 50 AZS užo ŭ śniežni.
«Budziem udzielničać u konkursach i, dumaju, vyjhrajem. Ja ciapier nie viedaju ŭmoŭ, ale my hatovyja płacić bolš za inšych, adnak nie nastolki, kab heta akuplałasia bolš jak piać hadoŭ», — padkreśliŭ rasijski biznesmien.
Što viadoma pra siamju z Baranavičaŭ, u jakoj i mužu, i žoncy dali vielizarnyja terminy za «zdradu dziaržavie»11
Kamientary