Avakaŭ napisaŭ rezki post na adras Parašenki: «Ja addaŭ 210 tysiač siamiejnych aščadžeńniaŭ dla frontu»
Ministr unutranych spraŭ Ukrainy Arsien Avakaŭ vystupiŭ z rezkaj krytykaj zajavy prezidenta Piatra Parašenki ab niedapuščalnaści ksienafobskich prajavaŭ.
Hetuju krytyku jon vykazaŭ u poście na Facebook pad videa svajho kanfliktu z adeskim hubiernataram Michaiłam Saakašvili.
Avakaŭ vyrašyŭ, što słovy Parašenki tyčacca jaho asabista i aburyŭsia hetym.
«Kaho Vy vinavacicie ŭ ksienafobii? Mianie? Armianina, jaki ŭsio žyćcio z 3 hadoŭ žyvie va Ukrainie? Ci mnie nie viedać? Jaki čynuša vydaŭ vam hetuju ramku reahavańnia?.. Vy heta mnie kažacie?» — napisaŭ jon.
Dalej Avakaŭ padrabiazna apisaŭ svaje zasłuhi ŭ padziejach na Jeŭramajdanie, vyzvaleńni Charkaŭskaj ADA, stvareńni i finansavańni dobraachvotnickich bataljonaŭ i inšym. U suviazi z usim hetym, vidavočna, ministr ličyć, što vinavacić jaho ŭ ksienafobii nielha.
«Mnie škada, što heta vam akazałasia nie tak važna, jak prapanavanaja Vam palittechnałahičnaja ramka. Hidka ad hetaha mnie — ale ja stryvaju. Nie ŭ pieršy raz… My zaŭsiody z Vami razmaŭlali adkryta, spadar prezident, i ja Vam adkryta skazaŭ, što liču z hetaj nahody — jak i toje, što skažu heta adkryta, jak adkrytaj była i Vaša pazicyja», — dadaŭ jon.
Avakaŭ taksama namiaknuŭ, što abvinavačvaje Parašenku ŭ sačeńni za saboj, svaimi blizkimi i supracoŭnikami.
«Ci Vy nie viedajecie, što ministr unutranych spraŭ heta VIEDAJE i MIRYCCA z takim intaresam… dziela źmienaŭ, dziela reformaŭ u krainie — šanujučy kožny dzień akna mahčymaściaŭ i bałansu, jaki dazvalaje niejak prasoŭvacca», — napisaŭ jon.
Saakašvili ministr nazvaŭ «apaviadalnikam z Adesy» i aburyŭsia, što pasiadžeńnie Nacsavieta reformaŭ pieratvaryłasia ŭ teatr.
Taksama jon rezka raskrytykavaŭ reakcyju na hety kanflikt ad deputata ad BPP Siarhieja Leščanki i namieśnika hienieralnaha prakurora Davida Sakvarelidze.
Jak viadoma, u sieradu Avakaŭ apublikavaŭ videa svajho kanfliktu z Saakašvili na pasiadžeńni Nacsavieta reformaŭ. Na im, u pryvatnaści, jon nazyvaje Saakašvili «hastraloram» i patrabuje vybiracca z «jaho krainy».
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak43
Kamientary