Авакаў напісаў рэзкі пост на адрас Парашэнкі: «Я аддаў 210 тысяч сямейных ашчаджэнняў для фронту»
Міністр унутраных спраў Украіны Арсен Авакаў выступіў з рэзкай крытыкай заявы прэзідэнта Пятра Парашэнкі аб недапушчальнасці ксенафобскіх праяваў.
Гэтую крытыку ён выказаў у посце на Facebook пад відэа свайго канфлікту з адэскім губернатарам Міхаілам Саакашвілі.
Авакаў вырашыў, што словы Парашэнкі тычацца яго асабіста і абурыўся гэтым.
«Каго Вы вінаваціце ў ксенафобіі? Мяне? Армяніна, які ўсё жыццё з 3 гадоў жыве ва Украіне? Ці мне не ведаць? Які чынуша выдаў вам гэтую рамку рэагавання?.. Вы гэта мне кажаце?» — напісаў ён.
Далей Авакаў падрабязна апісаў свае заслугі ў падзеях на Еўрамайдане, вызваленні Харкаўскай АДА, стварэнні і фінансаванні добраахвотніцкіх батальёнаў і іншым. У сувязі з усім гэтым, відавочна, міністр лічыць, што вінаваціць яго ў ксенафобіі нельга.
«Мне шкада, што гэта вам аказалася не так важна, як прапанаваная Вам паліттэхналагічная рамка. Гідка ад гэтага мне — але я стрываю. Не ў першы раз… Мы заўсёды з Вамі размаўлялі адкрыта, спадар прэзідэнт, і я Вам адкрыта сказаў, што лічу з гэтай нагоды — як і тое, што скажу гэта адкрыта, як адкрытай была і Ваша пазіцыя», — дадаў ён.
Авакаў таксама намякнуў, што абвінавачвае Парашэнку ў сачэнні за сабой, сваімі блізкімі і супрацоўнікамі.
«Ці Вы не ведаеце, што міністр унутраных спраў гэта ВЕДАЕ і МІРЫЦЦА з такім інтарэсам… дзеля зменаў, дзеля рэформаў у краіне — шануючы кожны дзень акна магчымасцяў і балансу, які дазваляе неяк прасоўвацца», — напісаў ён.
Саакашвілі міністр назваў «апавядальнікам з Адэсы» і абурыўся, што пасяджэнне Нацсавета рэформаў ператварылася ў тэатр.
Таксама ён рэзка раскрытыкаваў рэакцыю на гэты канфлікт ад дэпутата ад БПП Сяргея Лешчанкі і намесніка генеральнага пракурора Давіда Сакварэлідзэ.
Як вядома, у сераду Авакаў апублікаваў відэа свайго канфлікту з Саакашвілі на пасяджэнні Нацсавета рэформаў. На ім, у прыватнасці, ён называе Саакашвілі «гастралёрам» і патрабуе выбірацца з «яго краіны».
Цяпер чытаюць
Што вядома пра арышт і зняволенне сенатара Ігара Сяргеева, дырэктара Беларускага цэментнага завода3
Што вядома пра арышт і зняволенне сенатара Ігара Сяргеева, дырэктара Беларускага цэментнага завода
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары