Jak by cynična ni hučała, takim krokam biełaruskija ŭłady ŭ svaim ujaŭleńni stvarajuć novuju prastoru dla dyjalohu. Razvažaje Valer Bułhakaŭ.
Jak by cynična ni hučała, takim krokam biełaruskija ŭłady ŭ svaim ujaŭleńni stvarajuć novuju prastoru dla dyjalohu. Razvažaje Valer Bułhakaŭ.
«Čamu padziei 27 sakavika (pieratrusy žurnalistaŭ) adbylisia mienavita 27 sakavika, viedajuć tolki ludzi z najvyšejšych ešalonaŭ biełaruskaj ułady. Vidavočna, adnak, što pačatak hetaj aperacyi supaŭ, pa-pieršaje, z abvastreńniem biełaruska-amerykanskich dačynieńniaŭ. A, pa-druhoje, z pramacvańniem novaabranaha prezydenta Rasiei Miadźviedzieva nakont praciahu intehracyjnaj hulni. Cikava, što kab pastavić ZŠA na miesca, asnoŭny ŭdar byŭ naŭmysna naniesieny pa strukturach, jakija padtrymlivajucca ES. Vonkava aperacyja była abstaŭlena tak, kab heta nie vyhladała jak adkaz biełaruskich uładaŭ na siłavyja dziejańni ZŠA.
Abjektam ataki staŭsia cieniavy sehment biełaruskaha niezaležnaha hramadztva. Tym samym, byŭ dasłany mesydž zachodniaj supolnaści prykładna takoha źmiestu: kali Zachad nia budzie zhavorlivym pieradusim u pytańni dostupu praduktaŭ biełaruskaj naftapierapracoŭki na svaje rynki, niezaležnaje hramadztva budzie i dalej znachodzicca pad udaram.
Ekspart praduktaŭ naftapierapracoŭki ros u pieršyja sioletnija miesiacy. Biełaruskija ŭłady navat zahavaryli pra adkryćcio treciaha naftapierapracoŭčaha zavodu. Dyk čaho baicca Łukašenka? Jon baicca, što prykład Eŭropa paŭtoryć prykład ZŠA, to ŭsia hetaja naftapierapracoŭka akažacca nikomu niepatrebnaj.
Jak by cynična ni hučała, takim krokam biełaruskija ŭłady ŭ svaim ujaŭleńni stvarajuć novuju prastoru dla dyjalohu. 27-ha adbylisia pieratrusy, a 28-ha – ministar zamiežnych spraŭ S.Martynaŭ zajaviŭ, što Biełaruś hatovaja da kanstruktyŭnaha dyjalohu z ZŠA. Heta prykład cyničnaj postsavieckaj siłavoj palityki miž inšym śviedčyć, što žorstki aŭtarytaryzm u Biełarusi dapaŭniajecca jaŭnaj šantažysckaj palitykaj dziaržavy.
Pakolki nichto ź fihurantaŭ hetaj spravy pakul nia byŭ zatrymany, ja miarkuju, hetaja chvala nia budzie mieć bližejšym časam praciahu. Najchutčej budzie zroblenaja paŭza, kab praanalizavać, jak siłavyja metady ŭździejničajuć na zachodnich palityčnych lideraŭ. Choć raźlik jaŭna robicca na toje, što ŭ berlinskich i bruselskich kalidorach ułady i nadalej budzie panavać deficyt palityčnaj voli i kaardynacyi, ja nie vyklučaju, što nasamreč raźlik akažacca lišnie ambicyjnym i niešta takoje moža paŭtarycca, nastupstvy hetaha kanfliktu mohuć stać niepradkazalnymi».
Valer Bułhakaŭ – hałoŭny redaktar časopisu ARCHE.
-
«Vy viedajecie, što bolšaść biełarusaŭ ličać vas nikčemnymi chałujami?»
-
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary