Da adkaznaści za zaviedama niepraŭdzivy danos budzie pryciahnuty 37-hadovy žychar Viciebska.
Jak paviedamiła aficyjny pradstaŭnik upraŭleńnia Śledčaha kamiteta pa Viciebskaj vobłaści Ina Harbačova, mužčyna abvinavačvajecca ŭ zaviedama niepraŭdzivym danosie ab učynieńni złačynstva, spałučanym z abvinavačańniem sudździ ŭ asabliva ciažkim złačynstvie.
Ustanoŭlena, što viciablanin paśla vyniasieńnia sudździoj suda Kastryčnickaha rajona horada zakonnaha rašeńnia ab kanfiskacyi ŭ dachod dziaržavy jaho aŭtamabila «Šeŭrale-Kruz» vyrašyŭ paviedamić u pravaachoŭnyja orhany ab złačynstvie, jakoje nibyta ŭčyniŭ sudździa. Mužčyna ŭłasnaručna napisaŭ zajavu ab vymahalnictvie ŭ jaho sudździoj 2.000 dołaraŭ ZŠA ŭ jakaści chabaru za spryjalnaje vyrašeńnie jaho pytańnia pa viartańni kanfiskavanaha aŭtamabila.
Pa hetym fakcie Kamitetam dziaržaŭnaj biaśpieki była praviedzienaja pravierka. Jaje materyjały śviedčyli, što dovady, vykładzienyja ŭ zajavie, nie adpaviadajuć rečaisnaści. Dakładna viedajučy, što nijakaha złačynstva sudździa nie ŭčyniała, zajaŭnik biespadstaŭna abvinavaciŭ jaje va ŭčynieńni złačynstva, praduhledžanaha č. 3 art. 430 KK (atrymańnie chabaru asobaj, jakaja zajmaje adkaznaje stanovišča, šlacham vymahalnictva). U vyniku pravierki stała vidavočna, što ŭ abaronie pravoŭ i zakonnych intaresaŭ u hetaj situacyi maje patrebu nie zajaŭnik, a sudździa.
Kryminalnaja sprava dła dalejšaha rasśledavańnia pieradadzienaja va USK pa Viciebskaj vobłaści. Padazronamu vystaŭlenaje abvinavačańnie va ŭčynieńni złačynstva, praduhledžanaha č. 2 art. 400 KK (zaviedama niepraŭdzivy danos ab učynieńni złačynstva, spałučany z abvinavačańniem u asabliva ciažkim złačynstvie). Da abvinavačvanaha prymienienaja miera strymańnia ŭ vyhladzie źniavoleńnia pad vartu.
Padčas dopytu abvinavačvany paviedamiŭ, što vyrašyŭ ahavaryć sudździu ŭ nadziei, što pry praviadzieńni pravierki pryniataje joju rašeńnie ab kanfiskacyi aŭtamabila budzie pierahledžanaje. Adnačasova jon patłumačyŭ, što ŭśviedamlaje, što zrabiŭ niepravamierny ŭčynak, paviedamiŭšy ŭ zajavie zaviedama niepraŭdzivuju infarmacyju, raskajvajecca i pryznaje vinu ŭ poŭnym abjomie.
Kamientary