Student Akademii muzyki: Amapaŭcy pa-źviersku źbili mianie za biełaruskuju movu, ja nie vytrymaŭ i plunuŭ adnamu ź ich u tvar
Student Akademii muzyki Kastuś Achromienka śćviardžaje, što jaho da nieprytomnaści źbili jašče 20 śniežnia. Ale raskazać pra vypadak jon navažyŭsia tolki paśla taho jak ŚMI nadali publičnaści faktu źbićcia troch chłopcaŭ, u tym liku adnaho žurnalista, u sudzie Frunzienskaha rajona stalicy.
U Achromienki złamanaja naha i hiematomy na ŭsich ciele.
Što zdaryłasia z Kastusiom Achromienkam? Hladzicie na videa.
21-hadovy Achromienka vučycca ŭ Akademii muzyki pa kłasie vałtornie. Akramia taho, jon ihraje ŭ hurcie «Dzieci padziamiella».
U dzień zdareńnia jon ź siabram siadzieŭ u kafieteryi na vakzale, raskazvaje jon. Padčas pravierki dakumientaŭ amapaviec staŭ źnievažać biełaruskuju movu, na jakoj havaryŭ chłopiec.
Student apynuŭsia ŭ pastarunku, dzie abrazy nacyjanalnaha charaktaru praciahvalisia. «Svoj biełorusskij možieš v žopu zasunuť», — skazaŭ jamu adzin ź milicyjantaŭ. Abražany, chłopiec plunuŭ jamu ŭ tvar.
Paśla hetaha, jak kaža Achromienka, jaho kinuli tvaram na padłohu i pačali źbivać, pakul jon nie straciŭ prytomnaść.
«Pa vyniku ŭ mianie złamanyja nos, naha i hiematomy pa ŭsim ciele», — kaža Achromienka.
Achromienka padaŭ zajavu ab zdareńni ŭ Śledčy kamitet i źniaŭ paboi, ale nie spadziajecca, što jahonuju zajavu spraviadliva razhledziać.
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć27
Kamientary