Dudarski fest

24 krasavika ŭ małoj zali k/ź Minsk (pačatak 19:00) i 25 krasavika ŭ kłubie Reaktar (pačatak 18:00) projdzie “Dudarski fest” (Fiestyval vałynki).

Udzielničajuć hurty: “Stary Olsa”, “Testamentum terrae”, “Lićvinski Chmiel”, “Mozaik” (Polšča), “Litvintroll”, “Essa”, “Javaryna”, “Neolitic Age” (Ukraina), “Kašłaty Voch”, “RR”, “Ceilidh Ceol”, “Rada”, “Vydraga” (Litva), “Kielich koła”, Aleś Łoś, Todar Kaškurevič, Dzianis Suchi, Liane Varbo (Estonija), Aleś Surba, Jutaka Ban (Bahłaryja) i inš. Tancavalnaja padtrymka: hurt “Histryjon” i teatr “Javaryna”. Daviedki: 7662425 (MTS), 6490888 (Velcom). Kasa: 2886160 i 3286638 (haradzkija telefony).

Kvitki ad 12 000 da 30 000.

Sajt festu www.dudar.info

“Dudarski fest 2008”

24-27 krasavika 2008 h.Biełaruś – centr dudarskaj kultury Uschodniaj Jeŭropy. Akramia biełaruskich dudaŭ, biełaruskija majstry vyrablajuć taksama šviedskija sakspipa i niamieckija dudelzak. U Minsku aktyŭna dziejničaje Dudarski kłub. Tradycyjnyja dudary Biełarusi abjadnany ŭ Dudarskaje braterstva sv. Vasila. Rychtujecca da vydańnia pieršy numar almanacha “Dudar”.

Z 1992 h. u Minsku pravodzicca Mižnarodny “Dudarski fest” (z 2006 – štohadovy). Fest źjaŭlajecca adzinym mierapryjemstvam va Uschodniaj Jeŭropie, pryśviečanym dudzie. Na fiestyvalnych scenach hučać biełaruskija, halisijskija, šatłandskija, šviedskija, niamieckija, litoŭskija i łatyšskija dudy. U fiestyvali pradstaŭlena dudarskaja muzyka ŭsich nakirunkaŭ – ad tradycyjnaha falkłora da rok-muzyki. Pry pieravazie maładziožnaj publiki, fest pryciahvaje ŭvahu ludziej roznych uzrostaŭ i pachodžańnia. Praviadzieńnie festu źjaŭlajecca hramadskaj inicyjatyvaj, ale spryjaje supracoŭnictvu ź dziaržaŭnymi strukturami – asobnymi muzykami, ansamblami i majstrami Dziaržaŭnaha univiersiteta kultury. Fiestyval tradycyjna vyklikaje ŭvahu ŚMI, u tym liku zamiežnych.

Fiestyval adbyvajecca ŭ krasaviku – prymierkavany da adznačeńnia Vialikdnia (Paschi), kali pavodle ŭnikalnaha biełaruskaha abradu “vałačobnictva” adbyvajecca abychod damoŭ z dudoj i śpievami. U miežach festu adbyvajucca navukovyja kanfierencyi pad ahulnaj nazvaj “Zachavańnie dudarskaj tradycyi na Biełarusi i Bałtyjskim rehijonie Jeŭropy”, materyjały kanfierencyj drukujucca ŭ papularnaj i navukovaj presie. Kanfierencyi tradycyjna adbyvajucca na chutary starejšaha majstra-dudara Biełarusi Alesia Łasia (Vałožynski rajon).

U “Dudarskim feście 2008” buduć udzielničać dudary z Ukrainy, Rasii, Polščy, Litvy, Estonii, Bałharyi i Novaj Ziełandyi. Viaducca pieramovy pra ŭdzieł u feście słavutaha hurta “Fidelius” (Hiermanija). Śpiecyjalny hość – dudarka słavutaha hurta “Auli” Liane Barbo (Estonija). Pa vynikach festa płanujecca vydańnie zbornika dakładaŭ kanfierencyi, zapisa festa na aŭdyjo i vypusk videa-filma “Dudarski fest 1992-2008”.

Pačaŭ pracavać aficyjny sajt “Dudarskaha festu” www.dudar.info. Na hetym sajcie budzie źjaŭlacca samaja apieratyŭnaja infarmacyja adnosna festu, infarmacyja pra ŭdzielnikaŭ i inšaja infarmacyja.

• 0
• 0
• 0
• 0
• 0
• 0
• 0
• 0