Novyja taryfy na dopusk da darožnaha ruchu buduć dziejničać u Biełarusi z 19 lutaha. Takaja infarmacyja raźmieščana na Nacyjanalnym pravavym internet-partale.
Tak, za pryjom tearetyčnaha kvalifikacyjnaha ekzamienu na prava kiravańnia miechaničnym transpartnym srodkam płata składzie 0,3 bazavaj vieličyni (raniej 0,05), praktyčnaha kvalifikacyjnaha ekzamienu na prava kiravańnia matacykłam - 0,7 bazavaj vieličyni (raniej 0,05), inšym miechaničnym transpartnym srodkam, za vyklučeńniem mapieda, - 1 bazavuju vieličyniu (raniej 0,1). Vydača novaha tałona da vadzicielskaha paśviedčańnia budzie kaštavać 0,5 bazavaj vieličyni (raniej 0,05).
Akramia taho, pavialičany pamier dziaržaŭnaj pošliny, jakaja spahaniajecca za vydaču dazvołu na dopusk transpartnaha srodku da ŭdziełu ŭ darožnym ruchu.
Ciapier 6 bazavych vieličyń daviadziecca zapłacić za lehkavy aŭtamabil z dazvolenaj maksimalnaj masaj bolš jak 1,5 t, ale nie bolš jak 2 t,
8 bazavych - za lehkavy aŭtamabil z dazvolenaj maksimalnaj masaj bolš jak 2 t, ale nie bolš jak 3 t, hruzavy aŭtamabil, aŭtamabil-ciahač i hruzapasažyrski aŭtamabil z dazvolenaj maksimalnaj masaj nie bolš jak 2,5 t. Płata ŭ pamiery 11 bazavych vieličyń budzie spahaniacca za lehkavy aŭtamabil z dazvolenaj maksimalnaj masaj bolš jak 3 t, pryčep z dazvolenaj maksimalnaj masaj bolš jak 0,75 t, a 12 bazavych - za aŭtobus z kolkaściu pasadačnych miesc da 20 uklučna.
Dziaržpošlina za vydaču dazvołu na dopusk vypłačvajecca pa staŭcy, panižanaj na kaeficyjent 0,5, adnosna transpartnaha srodku, ułaśnikam jakoha źjaŭlajecca vieteran Vialikaj Ajčynnaj vajny, invalid I abo II hrupy, pry najaŭnaści miedycynskaj daviedki ab stanie zdaroŭja, jakaja paćviardžaje hodnaść da kiravańnia miechaničnymi transpartnymi srodkami. Dziaržpošlina na transpartny srodak, dla jakoha ŭstanoŭleny dvuchhadovy termin dziejańnia dazvołu na dopusk, budzie vypłačvacca pa staŭcy, pavialičanaj na kaeficyjent 2.
Adnosna transpartnych srodkaŭ, śpiecyjalna abstalavanych dla vykarystańnia invalidami i atrymanych (nabytych) praz orhany pa pracy, zaniatasci i sacyjalnaj abaronie ŭ adpaviednaści z raniej dziejučym zakanadaŭstvam, dziaržpošlina za vydaču dazvołu na dopusk nia vypłačvajecca.
Pamier płaty za administracyjnuju praceduru pa dziaržaŭnaj rehistracyi i kłasifikacyi małamiernych sudnaŭ, za vyklučeńniem viaślarnych łodak, bajdarak i nadzimanych sudnaŭ hruzapadymalnaściu mienš jak 225 kh, składzie: 1 bazavuju vieličyniu - za dziaržaŭnuju rehistracyju i kłasifikacyju małamiernaha viaślarnaha sudna (raniej 0,2), 2 bazavyja vieličyni - za dziaržaŭnuju rehistracyju i kłasifikacyju inšaha małamiernaha sudna (raniej 0,5).
Adpaviedny ŭkaz prezidenta Biełarusi ad 15 lutaha 2016 h. numar 53 ustupaje ŭ siłu 19 lutaha.
Izrailski biznesmien staŭ iranskim špijonam dziela darahoj va ŭtrymańni biełaruski. Chto hetaja fatalnaja łedzi?7
Kamientary