Pierachod da 12‑hadovaha školnaha navučańnia — adno z samych vostrych pytańniaŭ raźvićcia adukacyjnaj systemy, ličyć Alaksandar Łukašenka.
Jak paviedamili aficyjnyja krynicy, ab hetym zajaviŭ prezident Biełarusi Alaksandr Łukašenka 17 krasavika na naradzie pa pytańni metazhodnaści 12‑hadovaha navučańnia ŭ siaredniaj adukacyjnaj škole.
Pavodle jaho słoŭ, hetuju prablemu varta razhledzieć kompleksna, uličvajučy ŭsie aśpiekty jaje ŭpłyvu na hramadstva, i pryniać kančatkovaje rašeńnie. Dla hetaha, u pryvatnaści, treba adkazać na pytańni: ci stali dzieci bolš razumnymi i zdarovymi ad taho, što pajšli ŭ škołu ŭ šaścihadovym uzroście i praviaduć tam cełych 12 hadoŭ; ci tak užo patrebna hramadstvu 12‑hadovaja siaredniaja adukacyja z profilnym navučańniem; u što lišni hod navučańnia ŭ škole budzie štohod abychodzicca dziaržavie; jakija sacyjalnyja, maralnyja i pravavyja nastupstvy atrymaje hramadstva, zatrymlivajučy za partaj darosłych maładych ludziej?
Prymajučy rašeńnie, pavodle słoŭ A.Łukašenki, varta ŭličvać nie tolki pazicyju Ministerstva adukacyi, ale i mierkavańnie hramadstva. U pryvatnaści, infarmacyjna‑analityčnym centram było praviedziena sacyjałahičnaje daśledavańnie ab mierkavańni hramadzian, u tym liku nastaŭnikaŭ škoł, pa pytańni 12‑hadovaj adukacyi, vyniki jakoha buduć ahučany na naradzie.
A.Łukašenka zajaviŭ, što dziaržava hatova admovicca ad 12‑hadovaha školnaha navučańnia ŭ vypadku pryznańnia jaho niemetazhodnym.
«Mienavita siońnia nastupiŭ apošni termin, kali jašče možna padumać i abjektyŭna acanić nastupstvy novaŭviadzieńniaŭ, jašče nie pozna źmianić rašeńnie, kali dla hetaha buduć dastatkovyja padstavy», — skazaŭ jon.
I cam daŭ adkaz, jakoje budzie rašeńnie: Što heta za razmovy ŭ piedahohaŭ, kali jany kažuć z adnaho boku pra paskoranaje raźvićcio, aksieleracyju, a ź inšaha trymajuć za partaj 17-18-hadovych maładzionaŭ, - vykazaŭ ździŭleńnie Łukašenka. - Moža, ja ŭskładniaju, ale hetym 18-19-hadovym dziaŭčatam užo čas radžać, što jany i robiać u vas u škołach.
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5757
Kamientary