Barodzič: «Prašu sud dać šaniec vyhadavać majo budučaje dzicia»
U Minsku idzie sud nad akcioram Teatra imia Kupały Arciomam Barodzičam, jakoha abvinavačvajuć u raspaŭsiudzie i zbycie narkotykaŭ. Na pasiadžeńni 1 sakavika prakuror zapatrabavaŭ dla Barodziča 6 hadoŭ kałonii ŭzmocnienaha režymu. Prysud budzie abvieščany ŭ sieradu.
U aŭtorak prajšli sprečki bakoŭ.
U śledstva byli padstavy mierkavać, što Barodzič jašče i pradavaŭ narkotyki. Niepasrednych dokazaŭ tamu nie było, ale na padazreńni navodzili znojdzienyja śledčymi šali, fasovačnyja pakiety i abjomy, u jakich Barodzič zakupaŭ marychuanu. Heta, u pieraliku na hrošy, minimum dźvie tysiačy dalaraŭ za paŭtary hoda.
Praviedzienaja ekpiertyza pakazała, što ŭ samoha akciora narkatyčnaj zaležnaści niama.
Hruntujučysia na hetym 1 sakavika prakuror zaprasiŭ dla Barodziča 6 hadoŭ kałonii ŭzmocnienaha režymu biez kanfiskacyi majomaści.
«Adkul u padsudnaha takija hrošy na zakup značnych abjomaŭ marychuany?» — zadaŭsia pytańniem prakuror Alaksandr Taŭstahuzaŭ i pryhadaŭ słovy mastackaha kiraŭnika teatra Mikałaja Pinihina pra toje, što ludzi ŭ Kupałaŭskim pracujuć za ideju.
Advakatka Barodziča Kaciaryna Dziemidaviec u svaju čarhu zaznačyła, što abvinavačańni ŭ raspaŭsiudzie nie dakazanyja i hruntujucca tolki na zdahadkach. Jana pieraličyła zasłuhi akciora i pryhadała jaho ciažarnuju žonku. Jana paprasiła apraŭdać Barodziča
A Kupałaŭski teatr dasłaŭ na imia suda chadatajnictva z prośbaj pryznačyć minimalnaje pakarańnie z mahčymych, bo Barodzič — vybitny akcior.
Darečy, artysty Kupałaŭskaha amal što ŭ poŭnym składzie prysutničali na ŭsich pasiedžańniach pa spravie svajho kalehi. Usie jany pilna słuchali i apošniaje słova Barodziča.
«Ja ŭśviedamlaju svaju žudasnuju pamyłku i raskajvajusia, — skazaŭ toj, źviartajučysia da suda. —Prašu pavieryć, što mety zbytu ŭ mianie nie było, usio nabyvałasia dla ŭłasnaha spažyvańnia. Ja abiacaju, što znajdu inšyja šlachi rassłableńnia. Ja prašu sud dać mnie šaniec vyhadavać majo budučaje dzicia ŭ paŭnavartasnaj siamji. Bo, pabyvaŭšy ŭ SIZA, ja zrazumieŭ, što ništo nie vartaje razłuki ź siamjoj, lubimaj žančynaj i rabotaj», — skazaŭ Barodzič.
Sudździa Alaksandr Rudenka abvieścić prysud 2 sakavika.
***
Čytajcie jašče: U Minsku za marychuanu sudziać akciora Kupałaŭskaha, uvieś kalektyŭ pryjšoŭ u sud padtrymać kalehu
Arciom Barodzič abvinavačvajecca pa č.2 art.328 (niezakonny abarot narkatyčnych srodkaŭ, psichatropnych rečyvaŭ, ich prekursoraŭ i anałahaŭ) Kryminalnaha kodeksa Biełarusi. Jamu pahražaje pazbaŭleńnie voli na 5—8 hadoŭ z kanfiskacyjaj abo biez kanfiskacyi majomaści.
U kastryčniku 2015 hoda Barodzič byŭ zatrymany supracoŭnikami pravaachoŭnych orhanaŭ u siabie ŭ kvatery. U jaho znajšli 26 hram marychuany. Pakul išło rasśledavańnie, akcior zastavaŭsia na voli, ihraŭ u śpiektaklach. Adnak zatym jaho dziejańni pierakvalifikavali na bolš ciažkaje złačynstva, i 25 studzienia Arciomu Barodziču pradjavili ŭžo kančatkovaje abvinavačańnie pa č. 2 art. 328 KK. Ciapier jaho abvinavačvajuć «u niezakonnych dziejańniach z metaj zbytu», nabyćcia i zachoŭvańnia marychuany. U toj ža dzień jaho ŭziali pad vartu.
Niekalki hadoŭ tamu Barodzič taksama pryciahvaŭsia da kryminalnaj adkaznaści za niezakonnaje zachoŭvańnie niebiaśpiečnych narkatyčnych srodkaŭ.
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary