Biełaruski virus-vymahalnik viarnuŭsia: ad imia KDB patrabuje štraf za prahlad porna
Viadomy na prastorach Biełarusi virus-błakavalnik «za porna» znoŭ aktyvizavaŭsia. Ciapier jon prosić pieraličyć hrošy ad asoby KDB na mabilny numar life:).
Skrynšot z čarhovaj viersijaj vokny błakavalniki dasłaŭ u redakcyju Tut.by adzin z čytačoŭ. Pavodle jaho słoŭ, na akno jon natknuŭsia ranicaj 2 sakavika. Virus pierakinuŭ karystalnika na fišynhavyja staronku z łahatypam KDB.
Karystalniku błakavalnik paviedamiŭ, što toj parušyŭ zakon i atrymaŭ «administracyjnaje spahnańnie». Za «naviedvańnie i kapiravańnie materyjałaŭ z sajtaŭ, jakija zajmajucca vytvorčaściu i prodažam dziciačaha i homasieksualnaha porna» karystalnik nibyta atrymaŭ štraf u 500 tysiač rubloŭ. Apłacić jaho prapanavali, pieraličyŭšy sumu na mabilny numar life:), na apłatu adviali 12 hadzin.
Kali vy ŭbačycie takoje akno, ni ŭ jakim razie nie pieraličajcie hrošy ašukancam. Biełaruskija pravaachoŭnyja orhany nikoli nie spahaniajuć štrafy praź internet. Da taho ž u našaj krainie niama jurydyčnaj adkaznaści za naviedvańnie pornasajtaŭ.
Niekalki čałaviek, jakija zarablali hetym virusam, užo zaklučyli pad vartu. Adnak MUS adznačaje, što sam virus vidaźmianiajecca i praciahvaje «žyć».
Viadoma pra niekalki sotniaŭ biełarusaŭ, jakija atrymali virus na svoj kampjutar. Tyja, chto staŭ jaho achviaraj i pieravioŭ hrošy, mohuć źviarnucca ŭ adździeł pa raskryćci złačynstvaŭ u śfiery vysokich technałohij UUS svajoj vobłaści.
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj12
Kamientary