Alaksandar Barazienka dasłaŭ praz sajt svaje ŭražańni ad «pracesu 14-ci».
«Praces 14‑ci» jaki prachodzić ciapier u Miensku, vyklikaje supiarečlivyja emocyi dy dumki…
Pieršaje paraŭnańnie, jakoje prychodzić, hledziačy na ŭsio heta, biezumoŭna, źviazana z cyrkam. Inakš jak cyrkam nie nazavieš ni abvinavačvańni,vysunutyja padsudnym, ni toje, što havorać tak zvanyja «śviedki» ŭ zali pasiedžańnia. …Hramafon ad milicyjanta Blaščova, biezumoŭna, jašče doŭha nia sydzie sa staronak ŽŽ.
Ale heta ŭsio było b vielmi śmiešna, kali b nie było tak sumna… I tut na rozum prychodzić inšaje paraŭnańnie…z Kurapatami! Paraŭnańnie vielmi žorstkaje, ale, na moj pohlad, bačnaje…
Tak, nichto nikoha pakul, dziakuj Bohu, nie zabivaje tysiačami i nie zvalvaje ŭ adnu jamu… ale toje,što ciapier robiać ułady — heta sproba uźvieści «svaje Kurapaty»! Jany sprabujuć pastavić 14 kryžoŭ na losach ludziej, kryžy zdaroŭju baćkoŭ dy rodnych padsudnych, kryžy na našych marach pra lepšaje žyćcio dy źmieny ŭ Biełarusi. Bo mienavita tyja, chto ciapier na łaŭcy padsudnych, tyja, chto čakaje ich kala budynku sudu i słuchaje abraźlivuju łajanku amapaŭcaŭ, tyja dziaŭčyny i siabry, dumki jakich ciapier z padsudnymi — mienavita hetyja ludzi musiać prynieści źmieny ŭ naša žyćcio. Hetyja ludzi — budyčynia našaj krainy i našaha narodu!
Hetyja «novyja Kurapaty» budujucca ŭžo nia pieršy hod… Na hetaj žudasnaj budoŭli ŭžo nie adzin kryž… Kryž Zavadskaha, kryž Krasoŭskaha, kryž Kazulinaj…
Hetyja Kurapaty nia majuć adzinaha miesca znachodžańnia! Jany ŭ sercach dy hałovach ludziej… «Novyja Kurapaty» — heta ahulny strach!
Ale chopić ab sumnym!.
Spadziajusia, što hetych ludziej złamać nie atrymajecca. Šmat kaho z padsudnych viedaju asabista… Hałoŭnaje ciapier nie spyniać zmahańnie, znajści u sabie moc, kab zastacca i praciahvać svaju spravu! Treba zrazumieć, što takija dziejańni ŭład — pieradśmiarotnaja ahonija…
Jany napužanyja! Jany sprabujuć złamać lepšych… Treba heta zrazumieć i nie davać im mažlivaści heta zrabić! Treba być mocnymi i hodna trymać udar, bo «usio,što nas nie zabivaje, robić nas maćniej»!
Trymajciesia, siabry!
-
«I ja pacałuju tabie ruku, kali buduć kurčycca Fukujama, Levi i Kisindžer». Jak Azaronak flirtavaŭ z Duhinaj
-
Siarhiej uziaŭ hrošy za kantrakt i pajšoŭ zdavacca ŭ pałon pry pieršaj mahčymaści. Pakručasty los biełarusa, jaki padpisaŭsia vajavać za Rasiju
-
Palitźniavolenaj fatohrafcy Natalli Bačurynskaj źmiakčyli prysud. Jaje vypuścili na volu
Ciapier čytajuć
Siarhiej uziaŭ hrošy za kantrakt i pajšoŭ zdavacca ŭ pałon pry pieršaj mahčymaści. Pakručasty los biełarusa, jaki padpisaŭsia vajavać za Rasiju6
Kamientary