Šunievič: Milicyja maje paźbiahać nieprafiesijanalizmu, niepiśmiennaści, chamstva
Takoje mierkavańnie vykazaŭ siońnia ministr unutranych spraŭ Biełarusi Ihar Šunievič u prahramie «Kontury» na telekanale ANT.
«My ličym, što jość dva asnoŭnych napramki, pa jakich milicyi treba pracavać. Pieršaje — heta raskryćcio złačynstvaŭ. Camaja lepšaja prafiłaktyka złačynnaści — heta, jak ni banalna hučyć, niaŭchilnaść pakarańnia. Druhi napramak — heta pavyšeńnie kulturnaha i intelektualnaha ŭzroŭniu našych supracoŭnikaŭ», — skazaŭ Ihar Šunievič.
Ministr taksama vykazaŭsia ab pavyšeńni rejtynhu milicyi ŭ vačach hramadzian. «Nam (milicyi. — Zaŭvaha BIEŁTA) treba paźbiahać nieprafiesijanalizmu, niepiśmiennaści, chamstva. Milicyjant nie moža iści na padstavie ŭ svaich pačućciaŭ, adkazvać chamstvam na chamstva. Milicyjant nie moža svajo ŭnutrana subjektyŭnaje staŭleńnie pierakładać na pracu, jakuju jon robić, i na taho, na kaho nakiravanaja hetaja praca — niachaj heta budzie pravaparušalnik abo zakonapasłuchmiany hramadzianin», — ličyć Ihar Šunievič.
Kamientujučy spravu, źviazanuju z žurnalistam tut.by, Ihar Šunievič raskazaŭ, što słužbovaja pravierka pa hetym fakcie praktyčna zavieršana. «My čakajem pravavoj acenki tych, chto pavinien jaje davać. Ale mahu dakładna zajavić adno: u vyniku hetych pravieračnych dziejańniaŭ budzie ŭstalavanaja iścina i z našaha punktu hledžańnia, i z punktu hledžańnia tych orhanaŭ, jakija praviarajuć našu dziejnaść, ja maju na ŭvazie prakuraturu i Śledčy kamitet. Kali budzie ŭstanoŭlenaja iścina, budzie dadzienaja pravavaja, jurydyčnaja i dyscyplinarnaja acenka dziejańniam našych supracoŭnikaŭ», — paviedamiŭ ministr.
Ihar Šunievič adznačyŭ, što dla supracoŭnikaŭ orhanaŭ unutranych spraŭ ŭsie hramadzianie roŭnyja. «Chaču skazać jašče svajo asabistaje staŭleńnie — žurnalist nie pavinien być bokam kanfliktu. Nijakaha», — padkreśliŭ jon.
Kamientary