Rasijskaja avijakampanija «Aerafłot» i biełaruskaja «Biełavija» pačali pradavać adzinyja avijakvitki ŭ miežach interłajn-pahadnieńnia, paviedamlaje pres-słužba rasijskaha pieravozčyka.
Ciapier pasažyry mohuć aformić adzin kvitok dla padarožžaŭ praź Minsk u try krainy — Hruziju, Izrail i Turkmienistan. Praduhledžanyja rejsy ŭ Tbilisi, Kutaisi, Batumi, Tel-Aviŭ i Turkmienbašy. Na ŭčastku pamiž Maskvoj i Minskam pieravozku budzie vykonvać «Aerafłot», a dalej — «Biełavija».
Pahadnieńnie taksama dziejničaje dla pasažyraŭ, jakija vylatajuć ź Minska, Homiela, Bresta i Mahilova ŭ Maskvu abo Sankt-Pieciarburh z nastupnaj pierasadkaj na rejsy «Aerafłota». U hetym vypadku pieršy etap palotu budzie vykonvać «Biełavija», a dalejšy — rasijski pieravozčyk.
Kvitki možna nabyć jak z uklučanym bahažom, tak i bieź jaho. Vyklučeńnie składajuć rejsy ŭ Turkmienistan i nazad — dla ich dastupnyja tolki taryfy z bahažom.
Taksama dla pasažyraŭ praduhledžanaja skraznaja rehistracyja: bahaž možna budzie zdać adrazu da kančatkovaha punkta pryznačeńnia i atrymać usie pasadačnyja tałony pry afarmleńni rejsu.
Ciapier čytajuć
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury1
Kamientary