Biełaruskaja kampanija «Frandesa», jakaja zajmajecca raspracoŭkaj i vytvorčaściu chimičnych srodkaŭ abarony raślin, vyvieła ź Biełarusi praz afšor kala $45 młn, paviedamiŭ siońnia žurnalistam staršynia KDB Valeryj Vakulčyk.
«Vykarystoŭvaŭsia afšorny miechanizm farmavańnia koštu na impartavanuju syravinu. Z 2008 hoda heta dazvoliła nieabhruntavana vyvieści ź Biełarusi i ŭtaić ad padatkaabkładańnia kala $45 młn. Pa asobnych najmieńniach pieravyšeńnie koštaŭ zamiežnych vytvorcaŭ składała da 200%», — raspavioŭ Vakulčyk.
Staršynia KDB rastłumačyŭ, što ŭ studzieni 2016 hoda kamitet raspačaŭ siem kryminalnych spraŭ pa č.2 art.243 KK (uchileńnie ad vypłaty padatkaŭ u asabliva bujnym pamiery), a taksama pa č.3 art.233 KK (niezakonnaje pradprymalnictva) u dačynieńni da zasnavalnikaŭ i słužbovych asob «Frandesy» i niekatorych inšych subjektaŭ haspadarańnia, źviazanych z kampanijaj.
«Praviedziena bolš za 80 pieratrusaŭ. Kanfiskavana finansavaja dakumientacyja, piačatki i štampy padstaŭnych firmaŭ, bolš za $1,7 młn hatoŭkaj. Aryštavanaja majomaść fihurantaŭ kryminalnych spraŭ na ahulnuju sumu kala $5 młn», — dadaŭ kiraŭnik KDB.
Kamientary