Siońnia ŭ adździele infarmacyi, kultury i adukacyi Ambasady ZŠA raspačałasia vystava «Praŭda pra Kurapaty».
U padrychtoŭcy vystavy ŭdzielničali hramadzianskija inicyjatyvy «Ekśpierty ŭ abaronu Kurapataŭ», «Chryścijanskaja złučanaść», «Dyjaryjuš», supołka «Pahonia» Biełaruskaha sajuzu mastakoŭ, prafsajuz «REP», elektronny archiŭ «Vytoki», Art-siadziba i Asambleja demakratyčnych niaŭradavych arhanizacyj Biełarusi.
Vystava padzielenaja na 8 častak — Eksplikacyja, Adkryćcio, Ušanavańnie, Abarona, Terytoryja, Daśledavańnie, Katy, Rasstralanyja.
Vystavu płanujuć pakazać u inšych haradach Biełarusi. Naviedvalnikam pradstaŭlenyja śpisy rasstralanych padčas stalinskich represij, kožny moža aznajomicca z materyjałami daśledavańniaŭ na miescach rasstrełaŭ.
Taksama na vystavie šmat fotazdymkaŭ, jakija adlustroŭvajuć padziei, źviazanyja z abaronaj Kurapataŭ. Prysutničajuć vialikija artykuły pra praviedzienyja mitynhi 19 červienia i 30 kastryčnika 1988 hoda, padziei 2001 hoda, kali praz Kurapacki les prakładali MKAD, padčas čaho było zahublena kala 400 pachavańniaŭ.
Pavierany ŭ spravach ZŠA Skot Rołand na adkryćci vystavy zajaviŭ, što letaś vystava była vielmi karotkaj, tamu sioleta było vyrašana pravieźci vystavu jašče i pa inšych haradach Biełarusi. Skot pavitaŭ usich pa-biełarusku, ale vybačaŭsia, što nie moža pakul što na našaj movie dobra razmaŭlać. Pry hetym pierakładčyk pieradavaŭ słovy pavieranaha pa-biełarusku.
«Chacieŭ by padziakavać arhanizataram, jakija rychtavali hetuju vystavu. Hetaja tema vielmi balučaja i važnaja dla siamiej, jakich datyčyłasia hetaja trahiedyja. Siońnia tut na vystavie prysutničajuć pradstaŭniki mižnarodnaj supolnaści, tamu ja spadziajusia, što heta dazvolić pryciahnuć maksimalnuju ŭvahu.
Ja byŭ nieadnarazova ŭ Kurapatach. Heta sapraŭdnaja trahiedyja. Niekatoryja pytajucca: pry čym tut Amieryka? Ja im nahadvaju, što padčas vizitu Biła Klintana ŭ Biełaruś jon naviedaŭ Kurapaty. My robim hetyja vystavy, kab nahadać maładym pra heta, kab padobnaje bolš nie paŭtarałasia».
Akramia infarmacyjnych materyjałaŭ, na vystavie možna pabačyć mastackija tvory i instalacyi.
U jakich haradach i kali adbuducca vystavy, stanie viadoma paźniej.
Minsk siońnia viečaram pahruziŭsia ŭ ciemru. Paśla zahadu Łukašenki48
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary