Kali majmu siabru niama z kim pahulać u šachmaty, jon raz-poraz zapuskaje na svaim kamputary prahramu sa ścipłym nazovam Chess Genius. Čaściakom jamu davodzicca niaprosta: «hienij» hulaje ŭ siłu mižnarodnaha majstra, a siabar — KMS z abmiežavanym debiutnym repertuaram. Tamu pra lik tych matčaŭ jon havoryć biez achvoty.
Kali majmu siabru niama z kim pahulać u šachmaty, jon raz-poraz zapuskaje na svaim kamputary prahramu sa ścipłym nazovam Chess Genius. Čaściakom jamu davodzicca niaprosta: «hienij» hulaje ŭ siłu mižnarodnaha majstra, a siabar — KMS z abmiežavanym debiutnym repertuaram. Tamu pra lik tych matčaŭ jon havoryć biez achvoty.
Adnojčy jamu byccam pašancavała. U biełych pieravaha ŭ prastory, i jany vyrašajuć aktyvizavać prachadnuju piešku. 1. Kc5 Ta7 2. a6. Miž tym i čornaja kavaleryja nia śpić u šapku. 2…Kc6 3. Ta4 Kb5!!? 4. Kb7 Kpf8 5. Kc8 Ta8 6. Kb6 Ta7 7. Kc8. Ničyja z-za paŭtoru chadoŭ.
«Luby žyvy šachmatyst, ubačyŭšy natoŭp koniej, paśmichnuŭsia b i što-niebudź padstaviŭ, a kamputaru ŭsio adno», — narakaje amatar šachaŭ. Paśla hetaha vypadku jon radziej siadaje za šachmaty z Chess Genius. Šukaje pačućcio humaru ŭ Fritz'a.
Volf R-k
Jak nabyć šachmatnuju prahramu
«Śpiarša vyznačciesia, dziela čaho vy jaje nabyvajecie», — radzić Pavał Makievič, redaktar sajtu «Šachmaty ŭ Biełarusi». «Kali dziela zabavy, to dyski možna znajści ŭ kamputarnych kramach u Ždanovičach». Papularnymi prahramami jość «1S. Šachmaty z Hary Kasparavym», Chessmaster i Fritz.
Niadaŭna ŭ Siecivie dziela realizacyi šachmatnaha softŭeru źjaviŭsia admysłovy sajt chess.na.byz daścipnym słohanam «chessnyja košty». Hit prodažaŭ — videalekcyja Hary Kasparava pra ferzievy hambit dla «prasunutych» hulcoŭ. Što praŭda, pa-anhielsku.
Jak by vy zhulali?
Zappa — Ja.Elviest, Ńju-Jork, 2005. Chod biełych.
Adkaz: 1. Ke4! i estonski hrosmajstar zdaŭsia «Ziapie», raspracavanaj amerykanskim studentam Entani Koŭzi. Letaś Zappa vyjhrała čempijanat śvietu siarod partatyŭnych kamputarnych prahramaŭ — «ruchavičkoŭ».
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja5
Kamientary