Minhandlu rastłumačyła miechanizm akruhleńnia cen i taryfaŭ paśla denaminacyi

Ministerstva handlu rastłumačyła miechanizm akruhleńnia cen i taryfaŭ paśla denaminacyi, adpaviednaja infarmacyja raźmieščana na sajcie viedamstva.

Adpusknyja i roźničnyja ceny, taryfy akruhlajucca za pryniatuju adzinku vymiareńnia (štuku, adzinku, dziasiatak, mietr, kiłahram, litr), na jakuju ŭstanaŭlivajecca cana (taryf).

Roźničnyja ceny, taryfy akruhlajucca da kapiejki zhodna z aryfmietyčnymi praviłami. Kali pry pieraliku ŭtvarajucca drobavyja častki kapiejek, suma pavinna być akruhlena da cełaj kapiejki. «Kali drobavaja častka miešaja za 0,5 kapiejki, to jana adkidajecca i suma źnižajecca da cełaj kapiejki, a kali heta častka składaje 0,5 i bolš, to suma pavialičvajecca da cełaj kapiejki», - rastłumačyli ŭ Minhandlu.

Pry farmiravańni roźničnych cen na tavary i pradukcyju hramadskaha charčavańnia, na jakija ŭstanoŭleny hraničnyja handlovyja nadbaŭki (nacenki), akruhleńnie ažyćciaŭlajecca paśla naličeńnia hetych nadbavak i padatku na dabaŭlenuju vartaść. «Pry ŭviadzieńni paradku akruhleńnia cen subjektam pradprymalnickaj dziejnaści nieabchodna ŭ abaviazkovym paradku zachoŭvać hraničnyja pamiery handlovych nadbavak (nacenak) pa tavarach, pradukcyi hramadskaha charčavańnia, adnosna jakich ažyćciaŭlajecca cenavaje rehulavańnie», - padkreślili ŭ viedamstvie. U abjektach hramadskaha charčavańnia akruhlajecca roźničnaja cana stravy, vyrabu, porcyi, adzinki tavaru.

Pry realizacyi vahavoha i miernaha tavaru akruhlajecca košt kožnaj pakupki zhodna z aryfmietyčnymi praviłami. Kali pry pieraliku ŭtvarajucca drobavyja častki kapiejek, to dziejničaje toj ža miechanizm, što i pry ŭstanaŭleńni roźničnych cen.

Pry vyznačeńni roźničnych cen na kamplekt tavaraŭ akruhlajecca cana kožnaj adzinki, jakaja ŭvachodzić u jaho skład, asobna. Paśla padsumoŭvańnia roźničnych cen, z ulikam akruhleńnia cany kožnaj adzinki tavaru, cana kamplekta nie akruhlajecca. Pry adsutnasci cen na asobnyja adzinki akruhlajecca cana takoha kamplekta.

Akramia taho, pry vyznačeńni roźničnych cen na vahavyja vyraby z kaštoŭnych mietałaŭ, adpusknyja ceny na jakija ŭstanoŭleny za hram vyrabu, spačatku akruhlajecca roźničnaja cana 1 hrama vyrabu da cełaha liku kapiejki, potym roźničnaja cana vyrabu ŭ adpaviednaści z ahulnym paradkam akruhleńnia cen. Akruhleńnie roźničnych cen na štučnyja vyraby z kaštoŭnych mietałaŭ ažyćciaŭlajecca va ŭstanoŭlenym paradku.

Kali tavary realizujucca sa skidkaj z roźničnaj cany, to akruhlajecca suma skidki i košt kožnaj adzinki tavaru da bližejšaha dziejučaha ŭ Biełarusi naminału hrašovaj adzinki.

Paradak akruhleńnia adpusknych cen vyznačajecca subjektami pradprymalnickaj dziejnaści samastojna.

Akruhleńniu padlahajuć sfarmiravanyja taryfy na bytavyja pasłuhi (z ulikam usich vidaŭ padatkaŭ i niepadatkovych płaciažoŭ u adpaviednaści z padatkovym i biudžetnym zakanadaŭstvam i prybytku). U vypadku, kali taryfy na bytavyja pasłuhi farmirujucca biez uliku koštu syraviny, materyjałaŭ, zapasnych častak, vuzłoŭ, ahrehataŭ, furnitury, to akruhleńniu padlahajuć asobna sfarmiravanyja taryfy na pasłuhi i košt hetych materyjałaŭ i vuzłoŭ.

• 0
• 0
• 0
• 0
• 0
• 0
• 0
• 0