Dahiestanski spartsmien Said Asmanaŭ, jaki pryjechaŭ u stalicu Kałmykii Elistu dla ŭdziełu ŭ spabornictvach Usierasijskaha turnira pa volnaj baraćbie, spraviŭ patrebu ŭ chramie i ŭdaryŭ u nos statuju Budy.
Videazapis taho, što adbyłosia ŭ chramie, trapiŭ u internet praz sacyjalnuju sietku Periscopie. U vyniku miascovyja žychary zładzili z dahiestancami razborku ŭ centry horada.
Žychary Elisty, ubačyŭšy rolik, pryjechali ŭ hatel, dzie spyniŭsia spartsmien, vyciahnuli jaho na vulicu, pastavili na kaleni i prymusili publična paprasić prabačeńnia.
Internet-dostup da skandalnaha rolika ciapier spynieny. U Sietcy zatoje jość videazapis taho, jak spartoŭca prymusili paprasić prabačeńnia pierad kałmykami.
Pry hetym kiraŭnik Kałmykii Alaksiej Arłoŭ zajaviŭ, što chulihanu pahražaje turemny termin. Pa źviestkach ŚMI, u dačynieńni da spartsmiena raspačata sprava pa art. 148 KK Rasii (parušeńnie prava na svabodu sumleńnia i vieravyznańniaŭ).
U hety čas Asmanaŭ znachodzicca ŭ SIZA.
Pierad narodam Kałmykii za dzikuju vychadku junaka daviałosia prasić prabačeńnia kiraŭniku ŭrada Dahiestana. Abdusamad Hamidaŭ śpiešna prybyŭ u Kałmykiju ŭładžvać kanflikt. Staršynia ŭrada Dahiestana paprasiŭ prabačeńnia za žachlivuju vychadku 22-hadovaha vychadca respubliki.
Kamientary