Naležała Ataciurku, hareła, była bardelem: unikalny los jachty, na jakoj Erdahan kataŭ Łukašenku FOTY
Tureckija ŚMI vielmi mała pišuć pra padrabiaznaści sustrečy prezidentaŭ Biełarusi i Turcyi Alaksandra Łukašenki i Redžepa Erdahana. Paviedamlajecca, što sustreča prachodziła za začynienymi dźviaryma i doŭžyłasia hadzinu.
Z suchich paviedamleńniaŭ infarmacyjnych ahienctvaŭ vynikaje, što «baki damovilisia aktyvizavać supracoŭnictva, adkarektavać darožnuju kartu ŭzajemaadnosin». Ź biełaruskaha boku na pieramovach byli ministr zamiežnych spravaŭ Uładzimir Makiej, pasoł Biełarusi ŭ Turcyi Andrej Savinych i pres-sakratar Alaksandra Łukašenki Natalla Ejsmant.
Taksama Erdahan skazaŭ, što hatovy naviedać Minsk.
Źviartaje ŭvahu toj fakt, što sustreča adbyvałasia nie ŭ rezidencyi ci pałacy, a na jachcie Savarona. Prezidenty ŭ niazmušanaj atmaśfiery katalisia pa Basforu. Taksama na jachcie prysutničali kiraŭnictva inšych krain – Azierbajdžana, Bachrejna, Afhanistana, Małajzii, Kamieruna, Afhanistana, Bośnii, Jemiena, Pakistana i inšych.
Jachta Savarona była pabudavanaja ŭ 1931 hodzie amierykanskaj kampanijaj Gibbs & Cox. U 1938 jana była nabytaja dla tahačasnaha kiraŭnika Turcyi Kiemala Ataciurka za 4 miljony dalaraŭ. Daŭžynia jachty składaje 124 mietraŭ, šyrynia – 16 mietraŭ.
Potym jana była ŭ padparadkavańni Tureckaj vajskova-marskoj akademii. U 1979 hodzie na jachcie adbyŭsia pažar. Dziaržava paličyła nie vartym adnaŭlać jaje. Tolki praz 10 hadoŭ jaje vykupiŭ biznesoviec Kachraman Sadykahłu, jaki patraciŭ na adnaŭleńnie jachty 40 miljonaŭ dalaraŭ.
Niejki čas jana ŭvohule pieraŭtvaryłasia ŭ elitny bardel, jakim zahadvali vychadcy z byłoha SSSR. Niekalki čałaviek byli aryštavanyja pa hetaj spravie. Cana pasłuh prastytutak za noč dasiahała da 10 tysiač dalaraŭ. Tolki ŭ 2014 hodzie jana znoŭ stała ŭłasnaściu dziaržavy, pierajšoŭšy ŭ padparadkavańnie Ministerstva kultury.
Na Savarona jość basiejn, tureckaja łaźnia chamam (na jaje pajšło 65 ton marmuru), pazałočanaja leśvica, kinateatr i biblijateka.
Andrej Švied, architektar represij, pryznačany staršynioj Viarchoŭnaha suda10
Kamientary