Biełaruskija raźviedčyki pakazali novuju bajavuju ekipiroŭku na vučeńniach u Tadžykistanie FOTA
40 biełaruskich bajcoŭ vajskovaj i śpiecyjalnaj raźviedki ŭziali ŭdzieł u sumiesnych z krainami ADKB maštabnych vučeńniach «Pošuk-2016» u harach Tadžykistana.
Pavodle scenara vajskoŭcy-raźviedčyki Biełarusi, Kazachstana, Kyrhystana, RF i Tadžykistana šukali i źniščali «niezakonnyja ŭzbrojenyja farmiravańni» va ŭmovach hornaj miascovaści.
Ahułam u vučeńniach brali ŭdzieł kala 1500 vajskoŭcaŭ, ale nievialiki biełaruski atrad zdoleŭ hodna siabie pakazać, piša vsr.mil.by.
Biełaruskija śpiecyjalisty pa radyjoelektronnaj raźviedcy pieršymi zaŭvažyli aktyvizacyju radyjoabmienu praciŭnika i znajšli miesca vychadu voraha na suviaź.
Pałkoŭnik Aleh Tupik, pradstaŭnik Hienštaba biełaruskaj armii na vučeńniach, adznačyŭ vysokuju jakaść uniformy i biercaŭ, jakija vykarystoŭvalisia biełaruskimi žaŭnierami.
«Hetyja ŭzory formy majuć cudoŭnyja maskiravalnyja jakaści… Novyja biercy i forma, jakija vyrablalisia na biełaruskich pradpryjemstvach, cudoŭna pakazali siabie», — adnačyŭ jon.
Na fota vidać novy kroj, jaki amal całkam paŭtaraje amierykanskuju armiejskuju bajavuju ŭniformu — ACU.
«Skapiravali navat «lipučku» na hrudziach dla paznačeńnia ranhaŭ, jak u amierykanskaj armii, choć našy jaje nie vykarystoŭvajuć, bo pakinuli pahony», — adznačyŭ biełaruski rekanstruktar i śpiecyjalist pa historyi ŭniformy Anton Čułkoŭ.
Padčas vučeńniaŭ biełaruskija raźviedčyki zachoplivali minamiotnyja pazicyi «bajevikoŭ», viali ahoń ź minamiotaŭ, pakazvali majstar-kłas pa taktyčnaj chutkasnaj stralbie.
Bondarava zachacieła dvuchmoŭja, jak u Finlandyi. My taksama za4
Kamientary