Hienprakuror nie vyklučyŭ pryciahnieńnia da adkaznaści amapaŭcaŭ za iłžeśviedčańnie ŭ sudzie nad palitołaham Mackievičam
Za iłžeśviedčańnie ŭ Biełarusi praduhledžanaja adkaznaść, zajaviŭ hienieralny prakuror Biełarusi Alaksandr Kaniuk, kamientujučy žurnalistam 28 krasavika ŭ Minsku situacyju z sudom nad palitołaham Uładzimiram Mackievičam.
Nahadajem, 15 sakavika sud Centralnaha rajona Minska razhladaŭ administracyjnuju spravu pavodle abvinavačańnia Mackieviča va ŭdziele ŭ niesankcyjanavanaj akcyi salidarnaści z pradprymalnikami, jakaja prachodziła ŭ lutym. Supracoŭniki AMAP, jakija vystupali śviedkami na pracesie, śćviardžali, što bačyli Mackieviča na akcyi, adnak toj zajaviŭ, što ŭ hety dzień znachodziŭsia ŭ Varšavie. Mackievič pakazaŭ sudu vykarystanyja bilety na samalot i paćviardžalny štamp u pašparcie. U vyniku materyjały spravy viarnuli ŭ milicyju na dapracoŭku, a palitołah źviarnuŭsia ŭ prakuraturu z prośbaj pryciahnuć troch supracoŭnikaŭ milicyi da adkaznaści za iłžyvyja pakazańni.
Siońnia na pytańnie, čamu milicyjaniery, jakija davali iłžyvyja pakazańni, nie pryciahnutyja da adkaznaści, Kaniuk zajaviŭ: kali hetyja fakty paćvierdziacca, vinavatyja adkažuć pierad zakonam.
Kamientary