Adzin ź lidaraŭ krymskich tataraŭ vystupiŭ za stvareńnie krymskatatarskaj armii ŭ składzie ŭkrainskaj
Paśla zabarony dziejnaści Miedžlisa na paŭvostravie krymskatatarski narod ŭśviedamlaje nieabchodnaść stvareńnia ŭłasnaha vojska. Pra heta ŭ intervju radyjo «Svaboda» zajaviŭ adzin ź lidaraŭ krymskatatarskaha naroda Lenur Iślamaŭ.
«Mahčyma, zaraz krymskatatarski narod zrazumieje, što ŭsio ž taki treba stvarać ułasnuju armiju. U nas jość palityčnyja svaje siły, u nas jość deputaty Viarchoŭnaj Rady, ale ŭ nas niama ŭłasnaha vojska. Tamu my pavinny zrabić tak, kab u nas była armija, u składzie Ukrainy, u abliččy bataljona Namana Čelebidžychana», — adznačyŭ Iślamaŭ.
Niadaŭna rasijskija ŭłady pryznali ekstremisckaj arhanizacyjaj Miedžlis krymskatatarskaha naroda — strukturu, jakaja abjadnoŭvała krymskich tatar.
Nahadajem, što da kanca XIX st. krymskija tatary składali bolšaść nasielnictva Kryma, ale ŭ vyniku rasiejskaj kałanizacyi i departacyi karennych narodaŭ paŭvostrava pa stanie na kaniec XX st. tataraŭ zastałosia mienš za 15%. Krymskija tatary sprabavali sarvać anieksiju Kryma ŭ 2014 hodzie, ale nie mieli dla taho zbrojnaj siły.
Krymskich tataraŭ u Krymie žyvie ciapier kala 250 tysiač. Jany vyłučajucca vysokim uzroŭniem kultury, adukacyi i samaarhanizacyi.
Ciapier čytajuć
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ1
Kamientary