Sienatar ad štata Viermont Bierni Sanders, pa padlikach amierykanskich telekanałaŭ, pieramahaje Chiłary Klintan na prajmieryz Demakratyčnaj partyi ŭ štacie Indyjana.
Sanders apiaredžvaje byłoha dziaržsakratara prykładna na siem pracentnych punktaŭ pa vynikach padliku kala 70% hałasoŭ, što dazvalaje sprahnazavać jaho pieramohu.
Jak adznačajuć kamientatary, pieramoha Sandersa naŭrad ci vyratuje jaho kampaniju za naminacyju ad demakrataŭ. Dahnać Klintan pa kolkaści delehataŭ u Sandersa ŭžo naŭrad ci atrymajecca.
Taksama Klintan karystajecca padtrymkaj supierdelehataŭ — dziejučych sienataraŭ, hubiernataraŭ i inšych aficyjnych asob. U adroźnieńnie ad zvyčajnych vybarščykaŭ, jany mohuć hałasavać, za kaho chočuć. Ź ich ulikam kolkaść prychilnikaŭ Klintan składaje 1758 čałaviek, a Sandersa — tolki 1069.
Kab stać adzinym kandydatam ad Demakratyčnaj partyi, kandydatu treba nabrać 2383 hałasy.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary