Bellingcat nazvała numar padazravanaha ŭ atacy na Boeing «Buka»

Hrupa Bellingcat u novym dakładzie paviedamiła, što ŭdałosia vyśvietlić numar «Buka», jaki, jak miarkujecca, źbiŭ samalot MH17. Ahniavaja ŭstanoŭka 332 prypisanaja da 53-j zienitna-rakietnaj bryhady z Kurska, śćviardžajuć daśledčyki.

Pavialičyć

Mižnarodnaja ekśpiertna-žurnalisckaja hrupa Bellingcat u noč na 4 traŭnia prezientavała dakład «Buk 3ch2»: tajamnica stračanaj ličby». Aŭtary rasśledavańnia paraŭnali zaźniatuju vidavočcami napiaredadni krušeńnia MH17 samachodnuju ahniavuju ŭstanoŭku zienitna-rakietnaha kompleksu «Buk» z realna isnujučymi ŭzorami dadzienaj techniki (Bellingcat i raniej zajmałasia rasśledavańniem abstavinaŭ katastrofy, a vyniki svaich pošukaŭ adpraŭlała mižnarodnaj śledčaj hrupie pad kiraŭnictvam Niderłandaŭ).

Na zdymkach, atrymanych aŭtarami z adkrytych krynic, na nieviadomuju ŭstanoŭku naniesienaja markiroŭka 3ch2 (druhaja ličba ściortaja). Zhodna z papiarednim rasśledavańniem Bellingcat, «Buk» u zonu krušeńnia samalota dastavili vajskoŭcy 53-j zienitna-rakietnaj bryhady z Kurska. Pa markiroŭcy i fatahrafijach z sacyjalnych sietak vajennyja daśledčyki raniej zmahli, jak jany ličać, vyznačyć, što ahniavaja ŭstanoŭka ŭvachodziła ŭ skład kałony druhoha dyvizijona bryhady, jakaja ruchałasia ŭ bok Danieckaj vobłaści ŭ červieni 2014 hoda. Adnak sama mašyna, miarkujučy pa pieršaj ličbie, prypisanaja da treciaha dyvizijona. Daśledčyki ličać, što ŭstanoŭka z numaram 3ch2 zamianiała anałahičnuju z druhoha dyvizijona.

Na hety raz ekśpierty hrupy miarkujuć, što im udałosia pa sukupnaści admietnych asablivaściaŭ mašyny vyličyć jaje poŭny numar — 332. Takim čynam, havorka, na ich dumku, idzie pra 332-ju samachodnuju ahniavuju ŭstanoŭku ZRK «Buk», prypisanuju da 53-j zienitni-rakietnaj bryhady VS Rasii. Daśledčyki traktujuć heta jak jašče adzin dokaz rasijskaha pachodžańnia ŭstanoŭki.

RBK nakiravaŭ u aŭtorak aficyjny zapyt Minabarony Rasiei z prośbaj pa mahčymaści apieratyŭna prakamientavać novy dakład. U adkaz na publikacyju RBK ab papiarednim rasśledavańni Bellingcat vajennaje viedamstva abvierhła pierasoŭvańnie rasiejskich vajskovych kompleksaŭ na terytoryju Ukrainy. Raniej dakłady hrupy viedamstva nie kamientavała.

Admietnyja asablivaści

U rasparadžeńni Bellingcat mielisia fatahrafii troch ustanovak «Buk» treciaha dyvizijona z 2009 pa 2013 hod. Daśledčyki paraŭnoŭvali niekalki asablivaściaŭ rasijskaj bajavoj mašyny z toj, što źniali ŭ Danbasie.

Dla pačatku ŭ Bellingcat sprabavali supastavić profil bakavoha ščytka husienicy ŭstanovak. Adnak ni adna z fatahrafij, jakija jość u rasparadžeńni kamandy, nie supadała ź ich mašynaj całkam. U Bellingcat tłumačać heta tym, što 332-i «Buk» u 2010 hodzie atrymaŭ paškodžańni, paśla čaho častku ščytka zamianili. Znajści paźniejšyja zdymki hetaj ustanoŭki daśledčyki nie zmahli.

Akramia taho, daśledčyki źviartali ŭvahu na katki husieničnaj płatformy. Źniaty vidavočcami «Buk» z markiroŭkaj 3ch2 mieŭ dziesiać katkoŭ sa śpicami, adzin poły i jašče adzin nieviadomaj formy pa pravym borcie. Pad takuju kanfihuracyju, pa dadzienych rasśledavańnia, padychodziła ŭstanoŭka z numaram 332. Adnak sami daśledčyki zaŭvažajuć, što i na ŭstanoŭcy z markiroŭkaj 312, jakaja maje poŭny nabor połych katkoŭ, adzin ź ich mahli zamianić.

Treciaj admietnaj asablivaściu «Buka», zaźniataha napiaredadni trahiedyi, kamanda nazvała paškodžańnie bakavoj płaściny piaredniaj častki levaha borta. Na ŭstanoŭcy 3ch2 płaścina vyhinastaja, heta zaŭvažna na pakazanych Bellingcat fotazdymkach. Anałahičnyja paškodžańni jość na korpusie 332-j ustanoŭki.

Čaćviorty dokaz Bellingcat — raźmiaščeńnie i daŭžynia kabielaŭ, padłučanych da łafieta puskavoj pryłady. Pad schiemu kabielaŭ nieviadomaj ustanoŭki padychodzić tolki adna mašyna, jakaja staić na ŭzbrajeńni, — 332-ja.

Akramia hetych asablivaściaŭ, daśledčyki taksama pakazvajuć na najaŭnaść biełaj raźmietki na borcie źniataj pa šlachu ŭ Danieck ŭstanoŭki, adpaviednaść plam sažy i masła, što adpracoŭvajecca ruchavikom, i padabienstva šryfta i adlehłaści pamiž ličbami naniesienaj na bort mašyny raźmietki.

Uličvajučy adpaviednaść bolšaj častki nazvanych kryteryjaŭ, daśledčyki hrupy Bellingcat śćviardžajuć, što «Buk 3ch2», zaźniaty ŭ kałonie na terytoryi Rasii ŭ červieni 2014 hoda, «Buk», vyjaŭleny na terytoryi Danieckaj vobłaści napiaredadni i paśla katastrofy MH17, i ŭstanoŭka, jakaja znachodzicca ŭ rasparadžeńni treciaj batarei treciaha dyvizijona 53-j zienitna-rakietnaj bryhady z Kurska, adna i taja ž mašyna.

Dakładnaść acenki

Pa słovach vajennaha ekśpierta Michaiła Chadarenki, pa charakternych prykmietach možna adroźnić adnu bajavuju mašynu ad inšaj. «Toj, chto ekspłuatuje hetuju mašynu, zaŭsiody moža znajści asablivyja prykmiety: uvahnutaści, drapiny», — udakładniaje ekśpiert. Adnak, na jaho dumku, čałaviek z boku nie zmoža viedać usich asablivaściaŭ dadzienaj mašyny.

Ź im zhodny vajenny ekśpiert Viktar Litoŭkin. «Biezumoŭna, adroźnić adnu mašynu ad inšaj možna. Ale zrabić heta moža tolki čałaviek, jaki viedaje historyju hetaj mašyny», — ličyć jon.

Na dumku kiraŭnika ekśpiertna-žurnalisckaj hrupy Bellingcat Elijota Chihinsa, kambinacyja prykmiet, pradstaŭlenaja ŭ rasśledavańni, davoli redkaja. «My daśledavali mnostva ustanovak, jak ukrainskich, tak i rasijskich ZRK «Buk». Navat znajści adnu prykmietu, jakaja b supadała, — davoli redkaja źjava, a tut ich adrazu niekalki», — raspavioŭ jon, adkazvajučy na pytańni RBK. Na dumku Chihinsa, usio adpaviednaści ŭ čarhovy raz paćviardžajuć, što Rasija pradastaviła «Buk», jaki źbiŭ MH17.

Pa słovach Chihinsa, materyjały rasśledavańnia byli pieradadzienyja hałandskaj palicyi, jakaja ŭvachodzić u zvodnuju hrupu śledčych (JIT, Joint Investigation Team). Raniej pradstaŭnik hałandskaj prakuratury Vin de Bruin paviedamlaŭ, što JIT źbirajecca ŭsurjoz vyvučyć materyjały Bellingcat i zrazumieć, jak ich možna vykarystoŭvać u ramkach kryminalnaj spravy.

Inšyja viersii

Uviečary 3 maja ŭ efiry telekanała BBC2 była pakazana prahrama «Chto źbiŭ MH17?» U filmie raspaviali pra alternatyŭnyja viersii krušeńnia samalota. Brytanski telekanał pakazaŭ vidavočcaŭ katastrofy, jakija śćviardžali, što bačyli ŭ niebie nie tolki siłuet źniščalnika, ale i rakietu kłasa «pavietra-pavietra», jakaja trapiła ŭ łajnier na vyšyni kala 10 tys. mietraŭ.

Paśla krušeńnia MH17 u lipieni 2014 hoda namieśnik načalnika Hienieralnaha štaba US Rasii Andrej Kartapołaŭ ahučyŭ viersiju rasiejskaha boku, jakaja z tych časoŭ praktyčna nie pierahladałasia. Pavodle jaho słoŭ, usie dadzienyja pakazvajuć na toje, što MH17 byŭ źbity ŭkrainskimi vojskami. Udzieł dziejnych rasijskich vajskoŭcaŭ u vajnie ŭ Danbasie aficyjnaja Maskva zaŭsiody admaŭlała.

U kastryčniku 2015 hoda śpiecyjalisty vajennaha kancerna «Ałmaz-Antej» apublikavali vyniki ŭłasnaha rasśledavańnia katastrofy MH17. Ź jaho vynikaje, što Boeing byŭ źbity rakietaj, jakaja ŭžo nie vykarystoŭvałasia rasiejskimi vajennymi, z terytoryi, jakaja na toj momant nie kantralavałasia nivodnym z bakoŭ kanfliktu ŭ Danbasie.

Bellingcat — mižnarodnaja ekśpiertna-žurnalisckaja hrupa, zasnavanaja 15 lipienia 2014 hoda brytanskim žurnalistam Elijotam Chihinsam. Jaje zadača — abjadnać hramadzianskich žurnalistaŭ u rasśledavańni biahučych padziej. U svaich dakładach Bellingcat abapirajecca na adkrytyja krynicy: videa- i fotamateryjały, raźmieščanyja ŭ sacyjalnych sietkach, spadarožnikavyja zdymki. Hrupa isnuje na pryvatnyja achviaravańni, sabranyja z dapamohaj kraŭdfandynhavanaha servisu Kickstarter. U kamandzie pracuje bolš za 20 čałaviek i mnostva vałancioraŭ, jakija dapamahajuć biaspłatna. Zaraz asnoŭny prajekt Bellingcat — rasśledavańnie abstavinaŭ krušeńnia małajzijskaha Boeing. Kamanda taksama sočyć za vajennaj kampanijaj u Siryi, u tym liku za dziejańniami rasiejskich vajskoŭcaŭ.

Dakładnaść źviestak Bellingcat padviarhajuć sumnievam zamiežnyja ŚMI. U červieni niamiecki časopis Spiegel uziaŭ intervju ŭ ekśpierta pa analizie sudovaj fatahrafii Jensa Krajzie. Nahodaj stała rasśledavańnie Bellingcat, u jakim, pa śćviardžeńni hrupy, było dakazana manipulavańnie z boku Minabarony Rasii fatahrafijami źbitaha samalota rejsa MN17. Krajzie zajaviŭ, što mietad, užyty Bellingcat, z punktu hledžańnia ekśpiertyzy nie vytrymlivaje nijakaj krytyki. «U svajoj asnovie jon abapirajecca na tak zvany ELA-analiz. Dadzieny mietad nienavukovy i subjektyŭny. Adpaviedna, niama ni adnaho navukovaha artykuła, pryśviečanaha hetamu mietadu», — skazaŭ jon (cytata pa «InoSMI.ru»). Hałoŭny redaktar Spiegel Online Fłaryjan Charms u červieni prynosiŭ aficyjnyja prabačeńni čytačam za toje, što redakcyja na asnovie infarmacyi ad Bellingcat davała śćviardžalnyja zahałoŭki ab tym, što Rasieja manipulavała zdymkami. Pa słovach Charmsa, naviny sa spasyłkaj na daśledavańni Bellingcat treba było davać va ŭmoŭnym ładzie, tak jak śćviardžeńni daśledčykaŭ nie byli naležnym čynam pravierany redakcyjaj.

• 0
• 0
• 0
• 0
• 0
• 0
• 0
• 0