1. Film budzie iści ŭ biełaruskaj ahučcy. Surjozna, kali apošni raz vy chadzili na film pa-biełarusku ŭ kinateatry? Heta amal jak ŭbačyć adnaroha.
Apošniaja takaja mahčymaść była šmat hod tamu.
2. Film źniaty pavodle jeŭrapiejskaha bestelera.
Kniha «Vaśmikłaśniki nie płačuć», napisanaja hałandskim nastaŭnikam Jakubam Vrynsam, razyjšłasia nakładam kala 3 miljonaŭ asobnikaŭ i zrabiłasia adnoj z samych paśpiachovym knih u Bieniluksie. Darečy, aŭtar knihi źniaŭsia ŭ filmie ŭ epizadyčnaj roli.
3. U prakacie byvaje niašmat filmaŭ, jakija ŭklučajuć naš mozh.
Hety film z takich, jon daje ježu dla rozdumaŭ. Rozdumaŭ pra rak, pra staŭleńnie da asablivych ludziej, pra pytańni žyćcia i śmierci, narešcie. Akramia samoha filma, ŭ pačatku budzie vystup lekara-ankołaha, zaviedujučaj adździaleńnia dziciačaha chośpisa.
4. Kino raspaviadaje ab składanych rečach prostaj movaj.
Heta — siamiejny film. I adpaviedna, jon zrobleny tak, kab jaho mahli zrazumieć i pryniać jak dzietki, tak i darosłyja. Tamu vy možacie prychodzić na hety dobry i sumny film usioj siamjoj.
5. I jašče raz pra movu. Prahlad hetaha filma — cudoŭnaja mahčymaść padtrymać rodnuju movu.
Naprykład, paśla prahladu možna pakinuć padziaku za biełaruskaść ŭ knizie padziakaŭ kinateatra. Ci napisać uchvalnyja kamientary ŭ internecie. Takija dziejańni pakažuć, što biełaruskaja mova — zapatrabavanaja. A za hetym sočać, paviercie. I, mahčyma, nieŭzabavie heta pryviadzie da pašyreńnia vykarystańnia rodnaj movy ŭ kinateatrach i nie tolki!
Łatvija «pa techničnych pryčynach» zakryła miažu ź Biełaruśsiu12
Kamientary