Adziny antymanapolny orhan — Ministerstva antymanapolnaha rehulavańnia i handlu — stvarajecca na bazie Ministerstva handlu. Adpaviedny ŭkaz № 188 «Ab orhanach antymanapolnaha rehulavańnia i handlu» Alaksandr Łukašenka padpisaŭ 3 červienia.
Pavodle źviestak pres-słužby prezidenta, u skład ministerstva pieradajucca departamient cenavaj palityki Ministerstva ekanomiki, a taksama upraŭleńni antymanapolnaj i cenavaj palityki abłvykankamaŭ i Minskaha harvykankama.
Na novy antymanapolny orhan uskładzienyja funkcyi pa raźvićci kankurencyi na tavarnych rynkach i supraćdziejańni manapalistyčnaj dziejnaści, u tym liku funkcyi orhana rehulavańnia dziejnaści subjektaŭ naturalnych manapolij, rehulavańni cen i taryfaŭ, kantrolu i rehulavańnia spažyvieckaha rynku, u halinie dziaržzakupak, rekłamnaj dziejnaści i abarony pravoŭ spažyŭcoŭ.
Klučavoj metaj novaha ministerstva źjaŭlajecca «rašeńnie prablemy abarony ŭnutranaha rynku respubliki šlacham stvareńnia roŭnych kankurentnych umoŭ dla ŭsich jaho ŭdzielnikaŭ».
Stvareńnie adzinaj samastojnaj centralizavanaj sistemy antymanapolnaha orhana abumoŭlena «nieabchodnaściu abarony dobrasumlennaj kankurencyi, stvareńnia cyvilizavanych i efiektyŭnych instrumientaŭ kantrolu cenaŭtvareńnia», adznačajecca ŭ paviedamleńni.
Ciapier čytajuć
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj31
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»2828
Kamientary