Prakapovič: Paśla denaminacyi naša valuta budzie samaj mocnaj siarod susiedziaŭ
Paśla denaminacyi biełaruski rubiel stanie samaj mocnaj nacyjanalnaj valutaj siarod našych krain-susiedziaŭ, zajaviŭ eks-kiraŭnik Nacbanka, razmaŭlajučy z žurnalistami padčas Usiebiełaruskaha narodnaha schodu.
Były kiraŭnik Nacbanka Piatro Prakapovič upeŭnieny, što denaminacyja vyrašyć mnohija prablemy, u tym liku ŭmacuje nacyjanalnuju valutu. Nahadajem, Prakapovič pravodziŭ papiaredniuju denaminacyju ŭ 2000 hodzie.
— My atrymlivajem mocny biełaruski rubiel. Paśla denaminacyi biełaruski rubiel budzie bolš čym u 32 razy daražej za rasijski rubiel. Vy pryjdziecie ŭ abmienny punkt i za adzin biełaruski rubiel i atrymajecie 32—35 rasijskich rubloŭ. A ciapier ža ŭsio naadvarot, — tłumačyć Piatro Piatrovič. — I toje ž samaje, kali paraŭnać kurs našaha rubla da inšych valut. Našy dva rubli —heta budzie adzin dalar z 1-ha lipienia (paśla denaminacyi). Naša valuta budzie samaja mocnaja siarod našych susiedziaŭ — Ukrainy, Rasii…
Ceny ž na tavary i pasłuhi, na dumku Piatra Prakapoviča, z-za denaminacyi nie vyrastuć.
— Denaminacyja — heta techničnaje pytańnie. Realnaja pakupnickaja zdolnaść hrošaj nie źmienicca, — skazaŭ eks-kiraŭnik Nacbanka. — Denaminacyja nie moža słužyć padstavaj dla pavyšeńnia cenaŭ.
Piatro Prakapovič pryznaŭsia, što pakul nie abzavioŭsia śpiecyjalnym kašalkom dla maniet.
— U mianie było prykładna 90-95% vydatkaŭ praz kartku, — udakładniŭ jon i dadaŭ, što kali «na rynak nie chadzić i ŭ taksi nie jeździć», to najaŭnyja mohuć i nie spatrebicca.
Ciapier čytajuć
«Kazaŭ, što źniščyć mianie, bo ŭ jaho suviazi i pahony». Byłaja žonka vajuje z padpałkoŭnikam. Taho panizili da ŭčastkovaha16
Kamientary