Telekanał «Rasija 1» zapuskaje realici-šou «Kamanda», u jakim buduć vybirać pamočnika vykonvajučaha abaviazki kiraŭnika Čačni Ramzana Kadyrava.
Na sajcie telekanała źjaviŭsia anons i trejler pieradačy. U 18:15 pa maskoŭskim časie na kanale vyjdzie prahrama «Pramy efir», pryśviečanaja realici-šou.
U prajekta jość i svoj sajt, na jakim luby achvotny moža zapoŭnić ankietu, kab pryniać udzieł u realici-šou. Pretendent, naprykład, pavinien adkazać na pytańnie, čym jon budzie karysny Kadyravu.
Na sajcie prajekta havorycca, što jaho ŭdzielniki buduć prachodzić vyprabavańni i vykonvać roznyja zadačy na terytoryi Čačenii.
«Vy budziecie padymacca ŭ hory, spuskacca da azior, projdziecie lasnymi ściežkami i pabyvajecie ŭ mnohich znakamitych kurortnych miescach Čačni. Daviedajeciesia, što takoje čačenskaja haścinnaść i čačenskaje viasielle. Ubačycie, jak nakryvajuć čačenskija žančyny stały i jak tut vykonvajuć tradycyi… — havorycca ŭ apisańni prajekta.
Pośpiechi kandydataŭ, pavodle sajta, budzie aceńvać asabista Ramzan Kadyraŭ razam z žury.
Pieramožca atrymaje pastajannaje miesca ŭ kamandzie Kadyrava i ŭznačalić Ahienctva stratehičnaha raźvićcia Čačenskaj Respubliki, pieradajuć «Vieści».
Kadyraŭ ciapier zajmaje pasadu vykonvajučaha abaviazki kiraŭnika Čačni. U vieraśni ŭ respublicy projduć vybary.
U padobnym prajekcie ŭdzielničaŭ pretendent na post prezidenta ZŠA Donald Tramp. U chodzie šou «Kandydat» Tramp vybiraŭ supracoŭnikaŭ va ŭłasnuju kampaniju.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary