Тэлеканал «Расія 1» запускае рэаліці-шоу «Каманда», у якім будуць выбіраць памочніка выконваючага абавязкі кіраўніка Чачні Рамзана Кадырава.
На сайце тэлеканала з'явіўся анонс і трэйлер перадачы. У 18:15 па маскоўскім часе на канале выйдзе праграма «Прамы эфір», прысвечаная рэаліці-шоу.
У праекта ёсць і свой сайт, на якім любы ахвотны можа запоўніць анкету, каб прыняць удзел у рэаліці-шоу. Прэтэндэнт, напрыклад, павінен адказаць на пытанне, чым ён будзе карысны Кадыраву.
На сайце праекта гаворыцца, што яго ўдзельнікі будуць праходзіць выпрабаванні і выконваць розныя задачы на тэрыторыі Чачэніі.
«Вы будзеце падымацца ў горы, спускацца да азёр, пройдзеце ляснымі сцежкамі і пабываеце ў многіх знакамітых курортных месцах Чачні. Даведаецеся, што такое чачэнская гасціннасць і чачэнскае вяселле. Убачыце, як накрываюць чачэнскія жанчыны сталы і як тут выконваюць традыцыі… — гаворыцца ў апісанні праекта.
Поспехі кандыдатаў, паводле сайта, будзе ацэньваць асабіста Рамзан Кадыраў разам з журы.
Пераможца атрымае пастаяннае месца ў камандзе Кадырава і ўзначаліць Агенцтва стратэгічнага развіцця Чачэнскай Рэспублікі, перадаюць «Весці».
Кадыраў цяпер займае пасаду выконваючага абавязкі кіраўніка Чачні. У верасні ў рэспубліцы пройдуць выбары.
У падобным праекце ўдзельнічаў прэтэндэнт на пост прэзідэнта ЗША Дональд Трамп. У ходзе шоу «Кандыдат» Трамп выбіраў супрацоўнікаў ва ўласную кампанію.
-
У ЗША арыштавалі спецназаўца, які зарабіў 400 тысяч даляраў на стаўцы, што арыштуюць Мадура
-
«Навошта гэта мне?» Трамп выключыў ядзерны ўдар па Іране і абвясціў аб падаўжэнні перамір'я паміж Ізраілем і Ліванам
-
На Венецыянскім біенале вырашылі сёлета зноў адкрыць расійскі павільён. Еўрасаюз пагражае адклікаць фінансаванне
Цяпер чытаюць
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4747
Каментары