Ekśpierty prahnazujuć zamarožvańnie rostu zarpłat

Roŭna 20 hadoŭ tamu, 11 lipienia 1996 hoda, Viarchoŭnym Savietam Biełarusi było pryniata rašeńnie raspracavać pieršuju piacihadovuju prahramu sacyjalna-ekanamičnaha raźvićcia z metaj «pavyšeńnia ŭzroŭniu žyćcia ŭsich hrup nasielnictva».

Pavodle aficyjnaj statystyki, za apošnija 20 hadoŭ samyja vysokija tempy rostu zarpłat naziralisia ŭ 2001—2005 i ŭ 2006—2010 hadach: realnyja dachody nasielnictva ŭ hety pieryjad pavialičylisia na 80,1% i 76,3% adpaviedna. Za 2011—2015 hady realnyja dachody ŭ Biełarusi vyraśli na 32,8%.

«Uzrovień prablem u bankaŭskim siektary i siektary dziaržpradpryjemstvaŭ siońnia vysoki. Tamu, kali nam udasca damahčysia adnaŭleńnia ekanomiki ŭ druhoj pałovie piacihodki, heta ŭžo budzie dobry vynik. Raźličvać na hetym fonie, što rost dachodaŭ nasielnictva budzie takim, jak u minułyja piacihodździ, nie davodzicca», — adznačyŭ u kamientaryi BiełaPAN dyrektar Daśledčaha centra IPM Alaksandr Čubryk.

Na dumku ekśpiertaŭ, vysokija tempy rostu dachodaŭ nasielnictva ŭ 2000-ja hady byli abumoŭleny vielmi spryjalnaj kanjunkturaj, u jakoj isnavała biełaruskaja ekanomika. «Rost ekanomiki ŭ 2000-ja byŭ zabiaśpiečany za košt enierhietyčnych subsidyj, jakija atrymlivalisia ad Rasii, i pavieličeńnia zbytu biełaruskaj pradukcyi na rasijskim rynku. U tyja časy ŭ nas pastajanna raśli inviestycyi ŭ asnoŭny kapitał, pradpryjemstvy pašyrali mahutnaści dla vytvorčaści pradukcyi, jakuju my ŭ asnoŭnym pradavali Rasii», — uspaminaje viadučy daśledčyk Biełaruskaha ekanamičnaha daśledča-adukacyjnaha centra (BEROC) Kaciaryna Barnukova.

Situacyja, u jakoj znachodzicca ekanomika siońnia, pryncypova inšaja, padkreślivajuć analityki. Jak adznačyŭ były staršynia Nacbanka Stanisłaŭ Bahdankievič, «łafa» ŭ vyhladzie lhotnych cen na enierhanośbity praktyčna skončyłasia. «Siońnia suśvietnyja ceny na enierhanośbity ŭpali. I łah pamiž tymi cenami, pa jakich enierharesursy kuplaje Biełaruś, i ich koštam na suśvietnym rynku skaraciŭsia», — kanstatuje Bahdankievič.

Akramia hetaha, dadaje jon, stan rasijskaj ekanomiki nie dazvalaje raźličvać, jak raniej, na značny rost biełaruskaha ekspartu. U hetych umovach Biełaruś moža raźličvać u hetaj piacihodcy tolki na pavolny ŭzdym ekanomiki i ścipły rost zarobkaŭ, ličyć eks-kiraŭnik Nacbanka. «Płany pa roście zarobkaŭ na hetu piacihodku stali bolš realnymi. Mahčyma, my ŭžo dasiahnuli dna, i praz paru hadoŭ moža pačacca pavolny ŭzdym ekanomiki», — miarkuje Bahdankievič.

Nahadajem, prahrama sacyjalna-ekanamičnaha raźvićcia na 2016—2020 hady, uchvalenaja na červieńskim Usiebiełaruskim narodnym schodzie, praduhledžvaje rost realnych dachodaŭ nasielnictva na 9,5—11,6%.

«Heta adekvatnaja acenka rostu dachodaŭ u siarednieterminovaj pierśpiektyvie. Pry hetym, uličvajučy, što ŭ 2016—2017 hadach ekanomika raści naŭrad ci budzie, raźličvać na rost dachodaŭ nasielnictva na 9,5—11,6% možna tolki ŭ druhoj pałovie piacihodki», — prahnazuje Alaksandr Čubryk.

• 0
• 0
• 0
• 0
• 0
• 0
• 0
• 0