Nacyjanalny bank maje namier admianić abaviazkovy prodaž valutnaj vyručki ŭ krainie. Heta praduhledžvaje raspracavany rehulataram prajekt Stratehii raźvićcia finansavaha rynku na 2016—2020 hady.
Zhodna z płanami Nacbanka, u hetaj piacihodcy narmatyŭ abaviazkovaha prodažu valutnaj vyručki budzie źnižacca paetapna, paśla čaho finansavyja ŭłady majuć namier całkam admianić instytut abaviazkovaha prodažu valutnaj vyručki.
Akramia taho, rehulatar źbirajecca admianić isnujučyja abmiežavańni na metavaje nabyćcio zamiežnaj valuty na ŭnutranym valutnym rynku.
Nahadajem, zhodna ź dziejnym zakanadaŭstvam u Biełarusi ŭstanoŭleny metavy charaktar nabyćcia valuty — subjekty haspadarańnia mohuć jaje nabyć tolki dla pahašeńnia najaŭnych abaviazacielstvaŭ u zamiežnaj valucie. Dziejničaje taksama abaviazkovy prodaž valutnaj vyručki — 30% atrymanaj vyručki eksparciory abaviazanyja pradavać na biržy.
Jak adznačajuć bankiry, abaviazkovy prodaž zamiežnaj valuty harantuje dziaržavie minimalny abjom prapanovy zamiežnaj valuty, a metavaja kupla zamiežnaj valuty abmiažoŭvaje popyt na jaje.
Abodva hetyja instrumienty, na dumku ŭdzielnikaŭ finansavaha rynku, dla dziaržavy važnyja ŭ pieryjady rostu devalvacyjnych čakańniaŭ, kali pradpryjemstvy i nasielnictva pačynajuć prytrymlivać zamiežnuju valutu i schilnyja masava jaje skuplać.
«Abaviazkovy prodaž valuty i jaje metavaja kupla — strachovačnyja miechanizmy, jakija ŭvodzilisia na vypadak uźniknieńnia napružanaj atmaśfiery ŭ ekanomicy. Na valutnym rynku i ŭ płaciežnym bałansie pavinna składvacca spryjalnaja situacyja, kab takija miechanizmy byli admienieny», — adznačyŭ u kamientaryi BiełaPAN pradstaŭnik bankaŭskich kołaŭ.
Ekśpierty nahadvajuć, što na rubiažy 2014—2015 hadoŭ, kali ŭ Biełarusi naziraŭsia valutny kryzis i deficyt zamiežnaj valuty, ułady spačatku pavialičyli narmatyŭ abaviazkovaha prodažu valutnaj vyručki z 30% da 50%, a zatym, pa miery stabilizacyi situacyi ŭ 2015-m, viarnuli narmatyŭ da 30%.
Siońnia, ličać biełaruskija ekanamisty, pieradumoŭ dla ŭźniknieńnia napružanaj situacyi na valutnym rynku mienš, čym u minułyja hady, tamu paetapnaje źnižeńnie narmatyvu abaviazkovaha prodažu valutnaj vyručki mahčyma.
«Ciapier kurs biełaruskaha rubla płavaje, a nie fiksavany, jak u minułyja hady. Adpaviedna nacisk na valutnym rynku nie nazapašvajecca, i z hetaha punktu hledžańnia mahčymaściaŭ dla źnižeńnia narmatyvu abaviazkovaha prodažu valutnaj vyručki bolš», — miarkuje navukovy supracoŭnik Biełaruskaha ekanamičnaha daśledča-adukacyjnaha centra ( BEROC) Dźmitryj Kruk.
Pry hetym analityki adznačajuć, što prahnazavać situacyju davoli składana, pakolki isnujuć ryzyki, źviazanyja z prablemami ŭ realnym i bankaŭskim siektary, jakija tearetyčna mohuć pryvieści da prablem na valutnym rynku. Ekśpierty miarkujuć, što ŭ takoj situacyi hrašovyja ŭłady buduć paetapna źnižać narmatyŭ abaviazkovaha prodažu valutnaj vyručki.
Nahadajem, u 2015 hodzie Biełaruś uziała na siabie abaviazacielstvy ŭ ramkach Jeŭrazijskaha ekanamičnaha sajuza admianić da 1 studzieni 2017-ha abaviazkovy prodaž valutnaj vyručki. Adnak viasnoj hetaha hoda Nacbank zajaviŭ, što na praciahu hoda płanuje źnizić tolki narmatyŭ abaviazkovaha prodažu — ź dziejnych 30% da 20%.
«Kali pieradumovy dla šokaŭ buduć, abaviazkovy prodaž valutnaj vyručki źjaŭlajecca dosyć važnym instrumientam dla ŭładaŭ, jaki dazvalaje padtrymlivać peŭny abjom prapanovy zamiežnaj valuty na ŭnutranym rynku. Adpaviedna pieršačarhovaja zadača ekanamičnaj palityki jakraz i pavinna vyražacca ŭ vyklučeńni pieradumoŭ dla ŭźniknieńnia takich šokaŭ», — padkreśliŭ Dźmitryj Kruk.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary