Za try tydni da hibieli Pavieł Šaramiet naviedaŭ Maskvu, dzie sustreŭsia ź blizkim asiarodździem zabitaha rasijskaha apazicyjaniera Barysa Niamcova.
Pra heta ŭ efiry «5 kanała» zajaviŭ hałoŭny vajskovy prakuror Ukrainy Anatol Macijos.
«Nie chaču ŭdavacca ŭ kanśpirałohiju, ale na apošniaj sustrečy z Paŭłam my abmiarkoŭvali mnohija rečy — jon zaŭsiody byŭ aptymistam, heta śvietły čałaviek, ale ŭ toj momant jon zmročnymi farbami apisvaŭ situacyju svajho znachodžańnia dzieści try tydni tamu ŭ horadzie Maskva», — raspavioŭ jon.
«Jon zmoh sustrecca z usimi, chto byŭ u blizkim atačeńni Niamcova», — adznačyŭ Macijos.
Akramia taho, Šaramiet mieŭ znosiny ź ministram dachodaŭ i zboraŭ časoŭ eks-prezidenta Viktara Janukoviča Alaksandram Klimienkam. Praŭda, pra źmiest hutarki Šaramiet paviedamić nie paśpieŭ.
«Jon naviedvaŭ tak zvany ofisny centr «Maskva-Sici», dzie ŭsie našy kvazivyhnańniki, jakich my abaviazkova atrymajem i asudzim. I adnym z takich vyhnańnikaŭ byŭ eks-ministr dachodaŭ i zboraŭ Klimienka. Ale my nie paśpieli prahavaryć sutnaść hetaj razmovy», — zajaviŭ vajskovy prakuror.
Na parłamienckich vybarach u Francyi pieramahajuć ultrapravyja z Maryn Lo Pen. Partyja Makrona treciaja3
Kamientary