Učora Pałata pradstaŭnikoŭ pryniała ŭ druhim čytańni papraŭki da zakonu «Ab adukacyi». Pavodle ich vypuskniki vyšejšych i siarednich specyjalnych navučalnych ustanovaŭ Biełarusi, jakija atrymali adukacyju za košt biudžetnych srodkaŭ, musiać paśla zakančeńnia vučoby adpracavać dva hady pa raźmierkavańni, a vypuskniki prafesijna-techničnych vučelniaŭ — adzin hod. Paśla taho, jak hetyja papraŭki zaćvierdzić Saviet Respubliki j padpiša Łukašenka, jany pačnuć dziejničać.
Da apošniaha času «adkasić» ad raźmierkavańnia było dastatkova nie składana. Sprava ŭ tym, što ŭ vypadku admovy vypusknika jechać tudy, kudy jaho nakiravali, sam jon nia nios faktyčna nijakaj adkaznaści.
Tak, kali na praciahu dvuch hadoŭ paśla skančeńnia VNU małady specyjalist zachacieŭ by aficyjna ŭładkavacca na inšuju pracu, to jahony pracadaŭca pavinien byŭ by apłacić košt navučańnia svajho rabotnika. Ale naturalna, što bolšaść u takich vypadkach prosta dva hady nie afarmlałasia na svajoj pracy aficyjna.
Paśla ŭstupleńnie ŭ dziejańnie novych źmienaŭ da zakonu «Ab adukacyi» toj, chto nie pajedzie pracavać pa raźmierkavańni pavinien budzie sam apłacić košt svajho navučańnia. Paradak i ŭmovy apłaty, a taksama ŭmovy dla vyzvaleńnia ad jaje buduć ustanaŭlivacca ŭradam.
Jura Sidun, studenty.by
Ciapier čytajuć
«Kali b nie «Viasna-1996, my b byli Tatarstanam». 30 hadoŭ tamu biełarusy ŭžo pratestavali suprać Łukašenki i Rasii — jak heta było3
Kamientary