Fiełps pierad spabornictvami stavić bańki. Rasijskija ŚMI: Heta ž toj samy mieldonij!
Buryja plamy na plačach 21-razovaha alimpijskaha čempijona Majkła Fełpsa — ślady ad baniek.
Bańki vykarystoŭvajuć daktary amierykanskaj kamandy, kab zdymać muskulnaje napružańnie.
Kamu što balić, toj pra toje i havoryć — rasijskija ŚMI sustreli hetuju navinu krytykaj. «Efiekt ad takich pracedur šmat u čym padobny ź dziejańniem mieldoniju, praź jaki dziasiatki rasijskich spartoŭcaŭ stracili zdabytyja ŭznaharody i byli dyskvalifikavanyja», — zajaviŭ telekanał Rasija-24.
Pa-navukovamu daktary nazyvajuć bańki «vakuumnym masažam».
U Biełarusi raniej bańki rekamiendavali daktary pry prastudnych, lohačnych zachvorvańniach. Jany byli ŭ kožnaj chacie, jak i harčyčniki. Ciapier moda na bańki minułasia ŭ nas, a voś u ZŠA — naadvarot. Pa-anhielsku heta nazyvajecca cupping. Tradycyjnyja našy šklanyja bańki padahravali zapałkaj, pierš čym stavić. U amierykanskich daktaroŭ bańki sučasnyja, vysokatechnałahičnyja.
Sens u čym — bańki razhaniajuć kroŭ, palapšajuć ruch kryvi ŭ miescach, kudy ich staviać.
Praviły nie zabaraniajuć takoj fizijaterapii.
Mnohija ludzi nie vierać u efiekt baniek. Fełps — vieryć. I pieramahaje.
Kamientary