Ctolki tracić na spažyvieckija patreby siaredniaja biełaruskaja siamja. U paraŭnańni ź minułym hodam raschody vyraśli na 30 adsotkaŭ.
Źviestki pryvodziacca pa vynikach vybaračnaha abśledavańnia chatnich haspadarak. U siarednim biełaruskaja siamja ŭ nazvany pieryjad štomiesiac traciła na spažyvieckija patreby 960,4 tys. rubloŭ. Ź ich 41,1% raschodavałasia na pradukty charčavańnia (u pieršym kvartale 2007 hoda — 40,5%), 2,3% — na ałkahol (2,2%), 33,3% — na niecharčovyja tavary (33,7%). Na apłatu pasłuh u siarednim traciłasia 23,3% usich spažyvieckich raschodaŭ (23,6%). Ź ich na žyllova‑kamunalnyja pasłuhi — 8,9% (9,6%).
Pry hetym Minstat zaznačaje, što ŭdzielnaja vaha nasielnictva ź siaredniedušavym dachodam da 150 tysiač rubloŭ pa krainie skłała 2,1%; ad 150,1 da 300 tys. — 22,8%; ad 300,1 da 500 tys. — 40,3%; ad 500,1 da 700 tys. — 19,9%; zvyš za 700 tys. — 14,9%.
Samaja vysokaja dola nasielnictva ź nizkim siaredniedušavym dachodam (mienš za 150 tys. rubloŭ) nazirajecca ŭ Viciebskaj vobłaści — 3,4%, z dachodami zvyš za 700 tys. na čałavieka — u Minsku — 30,4%.
Ciapier čytajuć
Mižnarodny kryminalny sud pačaŭ rasśledavańnie złačynstvaŭ, ździejśnienych režymam Łukašenki26
Kamientary