«Biełavija» nie maje dazvołaŭ, i jana ŭ chutkim časie ich nie atrymaje na ažyćciaŭleńnie ŭnutryrasijskich pieravozak u adpaviednaści ź isnujučym zakanadaŭstvam RF.
Pra heta ŭ intervju prahramie «Kontury» telekanała ANT, pakazanym uviečary 14 žniŭnia, zajaviŭ hienieralny dyrektar biełaruskaj avijakampanii Anatol Husaraŭ.
Pavodle jaho słoŭ, «patrebnyja niejkija vyklučnyja rašeńni dla nas, choć jość, što roŭnyja ŭmovy dla subjektaŭ haspadarańnia». «My nie možam siońnia lotać z Maskvy ŭ Sankt-Pieciarburh, u Novasibirsk. My b vielmi chacieli heta zrabić», — zajaviŭ Anatol Husaraŭ.
Hetuju ideju, pavodle jaho słoŭ, treba prapracoŭvać na ŭzroŭni ŭradaŭ dźviuch krain.
«My b z radaściu vychodzili na ŭnutranyja rasijskija maršruty. Tym bolš što tam siońnia popyt na pasažyrskija pieravozki raście paśla sychodu z rynku avijakampanii «Transaera». Jość značny niezdavoleny popyt. I, napeŭna, my zmahli b znajści svaju nišu», — upeŭnieny hiendyrektar «Biełavija».
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary