4 vieraśnia ŭ Biełastoku na scenie Padlašskaj opiery adbudziecca premjera jubilejnaj viersii «Narodnaha alboma», jakuju ładzić telekanał «Biełsat». Kvitki na jaje ŭ Biełarusi razabrali za dźvie hadziny.
— Pavažanaje spadarstva, nas vielmi ciešyć takaja vialikaja cikaŭnaść da «Narodnaha alboma». Kvitki byli biaspłatnyja, ale kožny musiŭ słušna adkazać na pytańni pra prajekt i dasłać svaje dadzienyja, tamu bolš jak 300 kvitkoŭ za dźvie hadziny — heta cudoŭny vynik. Jašče 300 kvitkoŭ buduć raspaŭsiudžanyja u Polščy. Płatnych kvitkoŭ nie budzie — na takich umovach finansujecca prajekt. Bližejšym časam usie pieramožcy atrymajuć svaje kvitki i detali pa vizavaj padtrymcy. My bačym i viedajem, što zacikaŭlenych našmat bolš, tamu zaprašajem usich pahladzieć videaviersiju prajekta ŭvosień na «Biełsatie» i aficyjnym kanale YouTube, — kaža Ahnieška Ramašeŭskaja-Huzy, dyrektar telekanała «Biełsat».
***
«Narodny albom» — biełaruski muzyčny prajekt, premjera jakoha adbyłasia ŭ 1997 hodzie. U jubilejnaj viersii biaruć udzieł Lavon Volski, Źmicier Vajciuškievič, Vieranika Kruhłova, Kasia Kamockaja, Alaksandr Pamidoraŭ, Siarhiej Achramovič dy inšyja vykanaŭcy z aryhinalnaha składu. Kolkaść muzykaŭ budzie pašyranaja da 20 čałaviek. Za vizualnuju častku adkazvaje viadomy polski televizijny režysior Konrad Smuha. Jon płanuje maksimalna skarystać techničnyja mahčymaści Padlašskaj opiery — adnoj z samych sučasnych i prasunutych kancertnych placovak Polščy. Nad elemientami mastackaha azdableńnia, scenahrafijaj i kaściumami pracujuć mastačka Alena Ihruša i stvaralnik idei «Narodnaha alboma» Michał Aniempadystaŭ.
Ciapier čytajuć
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak42
Kamientary