Hazmanava nie puścili ŭ Vilniu — MZS Rasii «voźmie heta na zamietku»
Rasijski śpiavak Aleh Hazmanaŭ, jakomu było admoŭlena va ŭjeździe ŭ Litvu, staŭ zakładnikam drobnych palityčnych ambicyj, Maskva ŭličyć hety incydent u adnosinach ź Vilniaj. Pra heta ŭ čaćvier, 18 žniŭnia, zajaviła aficyjny pradstaŭnik MZS Rasii Maryja Zacharava, pieradaje «Interfaks».
«Rabić papularnych dziejačaŭ kultury zakładnikami vielmi drobnych, a nasamreč balučych, palityčnych ambicyj i nahniatać antyrasijskija straści, niespraviadliva, niavarta i niesurjozna», — skazała Zacharava.
Pradstaŭnik MZS RF zapeŭniła, što viedamstva «voźmie na zamietku vypadak dla ŭliku ŭ dvuchbakovym paradku dnia» ź Litvoj.
Raniej u čaćvier MZS Litvy patłumačyła, što rasijskaha śpievaka ŭnieśli ŭ śpis niepažadanych asobaŭ «praz padtrymku im palityki Kramla i prapahandy rasijskaj ahresii».
Raniej u hety ž dzień muzykant, znachodziačysia ŭ aeraporcie Vilniusa, napisaŭ post u Instagram. Jon paviedamiŭ, što jamu nie dazvalajuć vyjści z terminału, niahledziačy na najaŭnaść šenhienskaj vizy.
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary