Vinahradaŭ aštrafavany na 40 bazavych za ŭdzieł u niesankcyjanavanaj akcyi ŭ červieni
Sud Pieršamajskaha rajona Minska 25 žniŭnia aštrafavaŭ aktyvista Paŭła Vinahradava na 40 bazavych vieličyń (810 rubloŭ) pa art. 23.34 KoAP (parušeńnie arhanizacyi i praviadzieńnia vuličnaha mierapryjemstva).
Nahadajem, akcyju praviała 26 červienia ŭ Minsku maładziožnaja inicyjatyva «Zmiena». Na moście pierad ujezdam u horad z bresckaj trasy była vyviešanaja hirlanda z 20 bieł-čyrvona-biełych ściahoŭ, a na prypynkach pa vulicy Umanskaja kala HC «Hłoba» i na prypynku pa vulicy Ramanaŭskaja Słabada — ściahi i płakaty z vyjavaj Vinahradava, jaki pakazvaje siaredni palec, i nadpisam «Dziakuj za nahlad». Takim čynam «Zmiena» adreahavała na toje, što 7 červienia sud Maskoŭskaha rajona Minska ŭstanaviŭ nad Vinahradavym paŭhadavy previentyŭny nahlad.
Jak paviedamiŭ Vinahradaŭ, siońnia jaho pavinny byli sudzić jašče i pa art. 23.5 KoAP (abraza słužbovaj asoby pry vykanańni im słužbovych paŭnamoctvaŭ), adnak u vyniku pratakoł adpravili na dapracoŭku. «Paśla suda mnie patelefanavali ź milicyi, skazali, što buduć pierakvalifikavać spravu na art. 17.1 KoAP (chulihanstva). Ciapier ja milicyjanieraŭ abražać nie budu. Chutčej za ŭsio, budu vykazvać niepavahu da hramadstva», — skazaŭ jon.
Previentyŭny nahlad nad Vinahradavym minaje 14 vieraśnia.
Paśla padziej na płoščy Niezaležnaści 19 śniežnia 2010 hoda Vinahradaŭ byŭ aryštavany i asudžany na čatyry hady pazbaŭleńnia voli. 14 vieraśnia 2011 hoda maładziožny aktyvist vyjšaŭ na svabodu zhodna z ukazam prezidenta ab pamiłavańni, ale za im ustanavili previentyŭny nahlad na try z pałovaj hady. Zatym previentyŭny nahlad byŭ pradoŭžany jašče na paŭhoda ŭ suviazi ź nieadnarazovym pryciahnieńniem da administracyjnaj adkaznaści.
Previentyŭny nahlad ź Vinahradava byŭ źniaty 2 listapada 2015 hoda, paśla čaho aktyvist byŭ pastaŭleny na ŭlik u Maskoŭskim RUUS. Adnak 7 lipienia hetaha hoda sud Maskoŭskaha rajona Minska znoŭ ustanaviŭ previentyŭny nahlad u dačynieńni da aktyvista ŭ suviazi z najaŭnaściu ŭ jaho niekalkich administracyjnych pratakołaŭ za ŭdzieł u vuličnych akcyjach.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary