Ankara hatovaja pryniać prapanovu Vašynhtona ab sumiesnaj apieracyi pa vyzvaleńni siryjskaj Raki ad bajevikoŭ terarystyčnaj hrupoŭki «Isłamskaja dziaržava», zajaviŭ prezident Turcyi Taip Erdahan.
Armija Turcyi pry padtrymcy mižnarodnaj kaalicyi pavietranych udaraŭ pačała apieracyju z udziełam źniščalnikaŭ i elitnych suchaputnych vojskaŭ suprać ID.
«U ID samy hałoŭny centr — Raka. (Prezident ZŠA Barak) Abama skazaŭ mnie, što choča razam z nami zrabić niešta z Rakaj. My adkazali, što z našaha boku nijakich prablem niama. My prapanavali, kab našy vajskoŭcy sabralisia i abmierkavali pytańnie, jak heta zrabić», — skazaŭ Erdahan žurnalistam u samalocie, viartajučysia z samitu G20, jaki prajšoŭ u kitajskim Chančžou. Słovy tureckaha lidara cytuje hazieta Hurriyet.
Erdahan dadaŭ, što Turcyja «pavinna pakazać, što isnuje ŭ rehijonie» i nie maje prava «zrabić krok nazad».
Turecki lidar taksama adznačyŭ, što ŭ Ankary niama prablem z Vašynhtonam pry praviadzieńni apieracyi na poŭnačy Siryi. 24 žniŭnia tureckaja armija pačała apieracyju «Ščyt Jeŭfrata», padčas jakoj vyzvaliła ad terarystaŭ horad Džarabłus. Pry hetym Ankara praciahvaje apieracyju suprać atradaŭ siryjskich kurdaŭ.
Raka znachodzicca pad kantrolem terarystaŭ z 2013 hoda. Bajeviki stvaryli tut orhany kiravańnia «chalifatam» i abviaścili horad svajoj «stalicaj».
Šturm Raki viaduć tak zvanyja Demakratyčnyja siły Siryi, asnovu jakich składaje kurdskaje apałčeńnie YPG. Z pavietra ich padtrymlivaje avijacyja mižnarodnaj kaalicyi.
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm14
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary