Kryzis u ekanomicy Vieniesueły pryvioŭ da rezkaha pavieličeńnia biazdomnych katoŭ i sabak na vulicach Karakasa i inšych haradoŭ krainy, paviedamlaje Associated Press. Pavodle dadzienych ahienctva, za apošnija miesiacy košt kormu dla sabak vyras udvaja, ciapier za funt kormu nieabchodna zapłacić jak minimum $2, što pieravyšaje dzionny zarobak mnohich žycharoŭ Vieniesueły.
AP
Niedachop hrošaj zmušaje vieniesuelcaŭ, jakija jašče niadaŭna ličylisia pradstaŭnikami siaredniaha kłasa, pazbaŭlacca chatnich hadavancaŭ. Niaredka ich prosta vykidvajuć, tak što na vulicach Karakasa niaredka možna ŭbačyć schudniełych i brudnych parodzistych katoŭ i sabak. Bolš čullivyja haspadary zdajuć ulubioncaŭ, jakich bolš nie ŭ stanie prakarmić, u prytułki.
Vieterynar adnaho z centraŭ pryjomu biazdomnych žyvioł vieniesuelskaj stalicy paviedamiŭ AP, što ŭ ich prytułak štodnia zdajuć pa dziasiatku katoŭ i sabak, tady jak hod tamu achvotnych rasstacca z hadavancam amal nie było. Najbujniejšy ŭ krainie, stvorany ŭ ramkach dziaržaŭnaj prahramy prytułak «Nievada» (nazvany ŭ honar sabaki Balivara) pryniaŭ užo bolš za sotniu žyvioł i nie spraŭlajecca z patokam.
Sprabujučy vyrašyć prablemu, kiraŭnictva prytułkaŭ adkryła śpiecyjalnyja kursy, na jakich uładalnikaŭ sabak i katoŭ vučać tamu, čym tyja mohuć zamianić śpiecyjalizavany korm, jaki staŭ niedastupnym. Adnym z najbolš papularnych varyjantaŭ staŭ ptušyny korm, adnak ceny rastuć i na jaho, i z chatnimi ŭlubioncami ŭsio čaściej rasstajucca navat samyja ŭpartyja.
«Nam vielmi škada, što my vymušanyja addavać jaho, ale kryzis nie pakinuŭ nam vybaru, — kaža Maryja Halinda, jakaja šukaje novaha haspadara dla svajho załacistaha retryviera. — Kali ja dam što-niebudź ź ježy sabaku, to čym nakarmlu dziaciej?»
Kamientary