Maja Navumava atrymała sutki aryštu i ŭžo vyjšła na svabodu. Jaje kaleha Leanid Kułakoŭ, ź jakim ich razam zatrymlivali, atrymaŭ troje sutak.
Jany byli naziralnikami na ŭčastku №626 Kalinoŭskaj vybarčaj akruhi №108.
«Nas zatrymali paśla vybaraŭ, dzieści a 23-j hadzinie ŭ skvieryku pamiž Siadych i Karbyšava. Ich było čaćviora. Jany viedali, kudy iduć i navošta, ich było bačna zdalok. Navat telefon dla zdymkaŭ byŭ padrychtavany. Spačatku mnie chacieli prypisać artykuł 17.3 («Raśpivańnie ałkaholnych, słabaałkaholnych napojaŭ ci piva, spažyvańnie narkatyčnych srodkaŭ abo psichatropnych rečyvaŭ, ich anałahaŭ u hramadskim miescy abo źjaŭleńnie ŭ hramadskim miescy ci na pracy ŭ stanie apjanieńnia» — red.), ale, mabyć, za adsutnaściu dokazaŭ, dali 23.4 («Niepadparadkavańnie zakonnamu rasparadžeńniu ci patrabavańniu słužbovaj asoby pry vykanańni im słužbovych paŭnamoctvaŭ» — red.)», — raspaviała Navumava.
Jana razam z Kułakovym fiksavała parušeńni na ŭčastku padčas hałasavańnia. Naziralniki vyjavili vialikija niesupadzieńni ŭ padlikach kamisii.
Kamientary