VPS Izraila atakavali siryjskija artyleryjskija pazicyi viečaram u aŭtorak paśla taho, jak niekalki siryjskich snaradaŭ patrapili na terytoryju pad kantrolem Izraila, piša hazieta haaretz.com.
«Siły abarony Izraila nie darujuć nijakich sprob nanieści škodu suvierenitetu Izraila i biaśpiecy jaho žycharoŭ. SAI ličać siryjski režym adkaznym za toje, što adbyvajecca na jahonaj terytoryi i biez vahańniaŭ buduć dziejničać suprać inšych varahujučych hrup u Siryi», — havorycca ŭ aficyjnym paviedamleńni.
U vyniku karotkaha artabstrełu izrailskim vajskoŭcam pryjšłosia spynić ruch transpartu pa šašy 98, jakaja idzie pa Hałanskich vyšyniach.
Za dzień pierad hetym, u paniadziełak, izrailskaja terytoryja patrapiła pad minamiotny abstreł - i izrailskija samaloty ŭ aŭtorak ŭžo bambili siryjskija abjekty ŭ adkaz. Pry hetym siryjskija siły supraćpavietranaj abarony zajavili, što abstralali rakietami izrailskija samaloty i źbili dva ź ich. Izrail abvierh hetaje paviedamleńnie.
Za apošnija dva tydni Izrail užo piaty raz nanios udary pa siryjskaj terytoryi.
Abstreły izrailskaj terytoryi z boku sił Asada mohuć być vyklikanyja jak najaŭnaściu na baku Asada małapadkantrolnych aficyjnym uładam častak isłamistaŭ-šyitaŭ, u tym liku bajevikoŭ livanskaha ruchu «Chiezbała», hetak i čyimści śviadomym žadańniem uciahnuć Izrail u siryjskuju hramadzianskuju vajnu.
Nieba nad siłami Asada abaraniajuć taksama siły SPA rasijskaha kantynhientu ŭ Siryi — u tym liku kompleksy S-400.
Ciapier čytajuć
Łukašenka pra «vialikuju ździełku» z ZŠA: Heta nie tolki palitviaźni6
Kamientary