Francuzski časopis France Football spyniŭ partniorstva ź Mižnarodnaj fiederacyjaj futboła (FIFA) pa indyvidualnaj uznaharodzie «Załaty miač», jakaja ŭručajecca najlepšamu hulcu śvietu. Pra heta ŭ piatnicu, 16 vieraśnia, paviedamlajecca na sajcie vydańnia.
Adznačajecca, što baki nie zmahli pryjści da pahadnieńnia ab praciahu supracoŭnictva. Źmieny nabuduć moc užo ź biahučaha hoda. Padrabiaźniej novyja praviły ŭručeńnia hałoŭnaj indyvidualnaj ŭznaharody ŭ futbole buduć vykładzienyja ŭ vypusku časopisa, jaki vyjdzie ŭ aŭtorak, 20 vieraśnia.
«Załaty miač FIFA» — pryz, jaki ŭručajecca najlepšamu futbalistu śvietu pa vynikach hoda. Uznaharoda była zasnavanaja ŭ 2010 hodzie paśla taho, jak było vyrašana abjadnać dźvie premii — «Załaty miač» pa viersii France Football i «Hulec hoda FIFA». Z tych časoŭ pieramožca vyznačaŭsia z ulikam hałasoŭ žurnalistaŭ francuzskaha vydańnia, trenieraŭ i kapitanaŭ nacyjanalnych zbornych.
Ciapierašnim uładalnikam «Załatoha miača FIFA» źjaŭlajecca napadajučy «Barsiełony» Lijanel Miesi, na jaho rachunku piać uznaharod (2009-2012, 2015). Pa try ŭznaharody ŭ forvarda madrydskaha «Reała» Kryšcijanu Ranałdu (2008, 2013, 2014), hałandskich napadnikaŭ Jochana Kroifa (1971, 1973, 1974) i Marka van Bastena (1988, 1989 h., 1992), a taksama francuzskaha paŭabaroncy Mišela Płacini (1983—1985).
France Football — francuzski časopis, jaki vydajecca z 1946 hoda i jaki vychodzić u aŭtorak i piatnicu. Vydańnie źjaŭlajecca zasnavalnikam premii «Załaty miač», jakuju jon uručaŭ z 1956 hoda.
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja17
Kamientary