Kali nie budzie praviedzienaja terminovaja reforma Rady biaśpieki, jakaja pašyryć pradstaŭnictva i prava afrykanskich krainaŭ, to afrykanskija dziaržavy vyjduć z AAN, zajaviŭ kiraŭnik Zimbabve Robiert Muhabe.
Zimbabvijski lidar taksama paabiacaŭ stvaryć svaju arhanizacyju razam z Rasijaj, Kitajem, Indyjaj dy inšymi dziaržavami ŭ procivahu Zachadu.
«Nie ŭsie pastajannyja členy Rady biaśpieki zajmajuć žorstkuju pazicyju. Heta robiać Vialikaja Brytanija, Francyja i Amieryka. Kali jany buduć supraciŭlacca, to niachaj nie skardziacca, kali my stvorym svaju ŭłasnuju arhanizacyju. My majem namier zrabić heta ŭ nastupnym vieraśni (padčas čarhovaj Hienasamblei AAN)», — zajaviŭ 92-hadovy Muhabe, viadomy svaim krytyčnym staŭleńniem da zachodnich krainaŭ.
Z 2005 hoda afrykanskija krainy patrabujuć dać im dva miescy pastajannych členaŭ u Radzie biaśpieki.
Sioleta ŭ studzieni padčas samitu Afrykanskaha sajuzu (AS) zimbabvijski lidar zajaviŭ hienieralnamu sakrataru AAN Pan Hi Munu, što nie bačyć sensu jeździć na hienasamblei.
«Kožny vierasień my pryjazdžajem na cyrymanijalnuju Hienieralnuju Asambleju AAN, vydatkoŭvajem na heta vialikija hrošy, vystupajem z pramovami i jedziem dadomu. A amierykanskija i jeŭrapiejskija bosy ŭsio vyrašajuć u Radzie biaśpieki», — zajaviŭ Muhabe, jaki tady zajmaŭ pasadu staršyni AS.
Robiert Muhabe byŭ abrany prezidentam Zimbabve ŭ 1987 hodzie.
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary