Ustanoŭka ŭ kvaterach apaviaščalnikaŭ čadnaha hazu stanie abaviazkovaj
Ustanoŭka ŭ kvaterach apaviaščalnikaŭ pa vyjaŭleńni čadnaha hazu (SO) stanie abaviazkovaj. Pra heta paviedamiŭ siońnia na pres-kanfierencyi hałoŭny inžynier siektara techinśpiekcyi ŭpraŭleńnia sistem hazazabieśpiačeńnia DVA «Biełpalivahaz» Ihar Pietryk.
Da kanca 2016 hoda apaviaščalniki pa vyjaŭleńni SO stanuć abaviazkovymi ŭ damach, dzie vykarystoŭvajecca hazavaje abstalavańnie. «Zhodna z pratakołam Kamisii pa nadzvyčajnych situacyjach pry Saviecie Ministraŭ raspracavany kompleksny płan, stvorana rabočaja hrupa z pradstaŭnikoŭ ministerstvaŭ enierhietyki, ŽKH, nadzvyčajnych situacyj, DVA «Biełpalivahaz», Dziaržpramnahladu. Rabočaja hrupa razhladaje ŭ jakaści adnaho z novaŭviadzieńniaŭ uniasieńnie ŭ praviły karystańnia hazam u pobycie ŭstanoŭku sihnalizataraŭ, abo apaviaščalnikaŭ čadnaha hazu, u tych žyłych pamiaškańniach, dzie vykarystoŭvajecca hazavaje abstalavańnie z centralizavanym advodam praduktaŭ zharańnia», — rastłumačyŭ Ihar Pietryk. Źmianieńni pavinny być uniesienyja da 31 śniežnia.
Hałoŭny inžynier UP «Minabłhaz» Siarhiej Kuraševič dadaŭ, što faktyčna heta aznačaje abaviazkovuju ŭstanoŭku ŭ kvaterach apaviaščalnikaŭ pa vyjaŭleńni SO. Ciapier ustanoŭka apaviaščalnikaŭ ažyćciaŭlajecca pa žadańni ŭłaśnika.
Apaviaščalnik pry fiksacyi SO vydaje hukavy abo śvietłavy sihnał. Heta nie toje ž samaje, što pažarny apaviaščalnik. Pažarny apaviaščalnik fiksuje hazy hareńnia, a apaviaščalnik čadnaha hazu — SO. Nieabchodnaść ustanaŭlivać takija apaviaščalniki źjaviłasia paśla trahiedyi ŭ Barysavie i inšych incydentaŭ, kali ludzi masava atručvalisia čadnym hazam.
Sihnalizatar taksama padaje hukavy abo śvietłavy sihnał, ale ŭ adroźnieńnie ad apaviaščalnika moža pieradavać sihnał na dyśpietčarski punkt abo na adsiečku dla pierakryćcia hazu ŭ pamiaškańni.
Sihnalizatar praduhledžvajecca ŭstanaŭlivać tolki na kamunalna-bytavych abjektach i abjektach nievytvorčaha charaktaru. Apaviaščalnik čadnaha hazu biełaruskaj vytvorčaści kaštuje Br22. Jon budzie nabyvacca i ŭstanaŭlivacca samimi ŭłaśnikami.
Kamientary