Daśledniki Kiembrydža nazvali samych viadomych uradžencaŭ Biełarusi. Pavodle Vikipiedyi
Kamanda dyzajnieraŭ, inžynieraŭ i navukoŭcaŭ z Kiembrydža stvaryła Panteon samych słavutych asobaŭ śvietu.
Stvaralniki hetaha prajektu sabrali imiony amal 11 000 čałaviek, jakija majuć profili ŭ Vikipiedyi prynamsi na 25 roznych movach. Zatym jany raspracavali Indeks histaryčnaj papularnaści. Bały ŭ rejtynhu zaležać ad kolkaści prahladaŭ profilaŭ hetych asobaŭ u Vikipiedyi ad 2008 hoda da 2013 hoda.
Pieršaje miesca ŭ Indeksie histaryčnaj papularnaści siarod uradžencaŭ Biełarusi zajmaje paet Adam Mickievič. Jaho profil u Vikipedyi za 5 hadoŭ adčyniali amal 6 miljonaŭ razoŭ.
Dziasiatka samych papularnych uradžencaŭ Biełarusi vyhladaje tak:
1. Adam Mickievič, paet
2. Šymon Peres, palityk
3. Leŭ Vyhocki, psycholah
4. Mark Šahał, mastak
5. Menachiem Biehin, palityk
6. Stanisłaŭ Aŭhust Paniatoŭski, palityk
7. Fieliks Dziaržynski, palityk
8. Chaim Viejcman, palityk
9. Ryšard Kapuścinski, piśmieńnik
10. Andrej Hramyka, palityk
U tryccatku ŭvajšli Janka Kupała (12), Alaksandr Łukašenka (16), Siarhiej Sidorski (25), Alaksandr Hleb (27) i Volha Korbut (28).
Sa 190 krain, jakija razhladajucca ŭ rejtynhu, Biełaruś pavodle papularnaści svaich uradžencaŭ znachodzicca na 41 miescy.
Na padstavie dadzienaj mietadałohii, najbolš viadomym čałaviekam va ŭsioj historyi byŭ Arystociel, a zatym Płaton, Isus Chrystos, Sakrat i Alaksandr Vialiki. Pieršaje miesca ŭ Indeksie histaryčnaj papularnaści zajmajuć palityki, za imi akciory, futbalisty, piśmieńniki i relihijnyja dziejačy.
Kamientary