Za čym možna nazirać u Biełarusi praz veb-kamiery

«Naša Niva» skłała śpis miescaŭ u Biełarusi, za jakimi možna nazirać praz veb-kamiery. A taksama tych, dzie kamier pakul niama, ale było b varta ŭstalavać.

Dzie kamiery ŭžo jość

1. Pamiežnyja punkty propusku

Pavialičyć

Možna prahladać videa z veb-kamier aŭtadarožnych punktaŭ propusku «Bierastavica», «Katłoŭka», «Kamienny Łoh», «Varšaŭski most», «Damačava», «Makrany», «Bruzhi», «Novaja Huta» i «Pryvałka». Kali vy nie viedajecie, jakim šlacham lepš jechać, možacie zajści na aficyjny sajt Dziaržaŭnaha mytnaha kamiteta i pabačyć u režymie anłajn čarhu na miažy.

2. Sanatoryi i bazy adpačynku

Pavialičyć

Na prastorach Sieciva možna znajści videa z veb-kamier biełaruskich sanatoryjaŭ i baz adpačynku.

Tut možna nazirać u režymie anłajn za sanatoryjami «Sosny» i «Junactva», a tut — za bazaj adpačynku «Čyrvonahorka» na Brasłaŭskich aziorach.

3. Aŭtamahistrali

Pavialičyć

Na sajcie «Biełaŭtadora» znachodziacca spasyłki na videa z veb-kamier, ustalavanych na hałoŭnych biełaruskich mahistralach.

Baiciesia darožnych zatoraŭ albo niepahadzi? Pry dapamozie hetaha servisu vy zmožacie daviedacca pra aktualny stan darožnaha pakryćcia i nadvorja.

4. Kultavyja pabudovy

Vy možacie pahladzieć u režymie anłajn na kaścioł Śviatych apostałaŭ Piatra i Paŭła ŭ Hožy albo na Śviata-Uvaskrasienski sabor u Breście.

Pavialičyć

A ŭ minskim kaściole Śviatych Symona i Aleny kamiery ŭstalavanyja prosta ŭnutry, tamu vy možacie nazirać za słužbaj doma.

Pavialičyć

5. Vulicy haradoŭ

Lidar pa kolkaści veb-kamier na vulicach — Brest. Na hetym sajcie možna sačyć za tym, što adbyvajecca ŭ horadzie, z bolš čym 20 kamier.

Pavialičyć

U inšych bujnych haradach Biełarusi vybar anłajn-tranślacyj kudy mienšy.

Veb-kamiery jość u Mahilovie, Babrujsku, Viciebsku, Hrodnie.

U stalicy Biełarusi veb-kamier, jakija pakazvali b žyćcio vulic, faktyčna niama.

Raniej na sajcie Minharvykankama možna było znajści anłajn-tranślacyju kamiery z budynka administracyi Zavodskaha rajona, ale ŭžo niekalki hadoŭ hetaja kamiera nie pracuje. Nie pracujuć ciapier i kamiery, jakija byli ŭstalavanyja na budynku Minharvykankama i kala Nacyjanalnaj biblijateki.

Jość niekalki kamier u handlovych centrach i na parkoŭkach, videa ź jakich možna prahladać u Siecivie, ale naŭrad ci jany mohuć być cikavymi, naprykład, dla zamiežnych turystaŭ.

6. Dziaržaŭnyja ŭstanovy

Adsočvać čerhi ŭ Minskim haradskim ahienctvie pa dziaržaŭnaj rehistracyi i ziamielnym kadastry možna anłajn.

Vybar tut taksama nievialiki. My znajšli tolki adnu dziaržaŭnuju ŭstanovu — Minskaje haradskoje ahienctva pa dziaržaŭnaj rehistracyi i ziamielnym kadastry.

Dzie veb-kamier niama, ale było b varta ŭstalavać

Akramia małoj kolkaści veb-kamier na vulicach biełaruskich haradoŭ, videa ź jakich moža hladzieć luby achvotny, źviartaje na siabie ŭvahu toje, što biełaruskija dziaržaŭnyja orhany ŭłady (akramia Minskaha haradskoha ahienctva pa dziaržaŭnaj rehistracyi i ziamielnym kadastry) nie śpiašajucca vykarystoŭvać kamiery dla demanstracyi prazrystaści svajoj dziejnaści.

U śviecie veb-kamiery aktyŭna vykarystoŭvajucca dla tranślacyj sudovych pasiadžeńniaŭ. Naprykład, praź internet možna prahladać anłajn-tranślacyi ź Viarchoŭnaha suda Kanady. Na hetym sajcie jość i archiŭ z zapisami pasiadžeńniaŭ ad 2009 hoda.

Pracuje padobny raździeł i na sajcie Viarchoŭnaha suda Biełarusi, ale ŭ archivie my znajšli tolki piać tranślacyj.

Aktyŭna vykarystoŭvajucca ŭ śviecie veb-kamiery i dla demanstracyi raboty vybarčych kamisij padčas vybaraŭ. Naprykład, na apošnich parłamienckich vybarach u Maskvie veb-kamiery byli ŭstalavanyja na 3431 vybarčym učastku z 3605.

• 0
• 0
• 0
• 0
• 0
• 0
• 0
• 0